މާޒިޔާ ސްޕޯޓްސް އެންޑް ރިކްރިއޭޝަންގެ އެކަޑަމީ ރަސްމީކޮށް ނޮޅިވަރަމްގައި ފަށައިފި އެވެ. އެކަޑަމީ ހުޅުވީ ދެންމެއަކު އެރަށު ރަސްމީ ބޯޅަދަނޑުގައި ބޭއްވި ހާއްސަ ރަސްމިއްޔާތެއްގެ ގައުމީ ޓީމްގެ ކެޕްޓަން އަލީ އަޝްފާގް(ދަނގަޑޭ) އާއި މާޒިޔާ އަދި ގައުމީ ޓީމްގެ ޑިފެންޑަރު އަމްދާން އަލީ އެވެ.
ރަސްމިއްޔާތުގައި ވާހަކަ ދައްކަވަމުން ނޮޅިވަރަމް ސްކޫލުގެ ޕްރިންސިޕަލް އަދުނާން އަލީ ވިދާޅުވީ މިއެކަމީގެ ސަބަބުން ހުނަރުވެރި ކުދިންތަކެއް އުފެދި ނޮޅިވަރަމްގެ ފުޓްބޯޅަ އެހެން ހިސާބަކަށް ގެންދާނެ ކަމަށް އުއްމީދު ކުރާކަމަށެވެ. އަދި މިއެކެޑަމީ ނުކުންނަ ކުދިންނަކީ ގައުމީ ފެންވަރުގައި ފާހަގަކޮށްލެވޭނެ ފަދަ ބަޔަކަށް ވެގެންދާނެ ކަމަށެވެ.
މިއެކަޑަމީގެ ސަބަބުން ހދ އަތޮޅު އަދި ނޮޅިވަރަމްގެ ފުޓްބޯޅަ އިތުރު ހަރުފަތަކަށް ގެންގޮސްދޭނެ ކަމަށް އުއްމީދުކުރާ ކަމަށް އަދުނާން ވިދާޅުވި އެވެ.
ނޮޅިވަރަމް ކައުންސިލްގެ ރައީސް އަބުދުއް ރަހީމް ވިދާޅުވީ މިއަދު ހުޅުވިގެން މިދިޔަ އެކަޑަމީގެ ސަބަބުން ސަރުކާރަށް “ގެއްލިފައި” އޮތްއޮތުން ފެންނާނެ ކަމަށެވެ. ނޮޅިވަރަމަކީ ތިލަދުންމަތީގައި ތިބި އެންމެ ހުނަރުވެރި ފުޓްބޯޅަ ކުޅުންތެރިން ތިބި އެއް ރަށްކަން ފާހަގަކުރައްވަމުން އަބުދުއްރަހީމް ވިދާޅުވީ މިފަދަ އެކަޑަމީއެއް ނޮޅިވަރަމްގައި ގާއިމްކުރެވިގެންދާތީ މާޒިޔާއަށް ޝުކުރުއަދާކުރައްވާ ކަމަށެވެ.
ނޮޅިވަރަމްގައި ހުޅުވިގެން މިދިޔަ އެކަޑަމީގައި 50 ކުދިން މިހާރުވެސް ދަނީ ތަމްރީން ކުރަމުންނެވެ.
ކާރިސާ މެނޭޖްކުރުމުގެ ފުރަތަމަ ޕްލޭން ކުޅުދުއްފުށީގައި އިފްތިތާހްކޮށްފި
އުތުރު ސަރަހައްދުގެ ކާރިސީ ހީރާސް ކުޑަކުރުމުގެ މަހާސިންތާ ކުޅުދުއްފުށީގައި ފަށައިފި
ރައްޔިތުންނަށް ވައުދުވި ކަންކަން ހާސިލްކޮށްދިނުމުގައި ގިނަ ކަންކަމުގައި ކުރިއެރުން ހޯދިއްޖެ
ފޯކައިދޫ އިސްލާމީ މަރުކަޒުގެ މަސައްކަތް ލަސްވަނީ ކައުންސިލްގެ ސަބަބަކުން ނޫން
