ހއ އަތޮޅު ކައުންސިލް އިދާރާގެ ޑިރެކްޓަރ ޖެނެރަލްގެ މަގާމަށް އަބުދުﷲ ޝަފީގު ހަމަޖައްސަވައިފި އެވެ. އަބުދުﷲ ޝަފީޤު މީގެ ކުރިން ހުންނެވީ އެއިދާރާގެ އ.ޑިރެކްޓަރުގެ މަގާމުގަ އެވެ.
އަބުދުﷲ ޝަފީޤު ޑީޖީގެ މަގާމު ހަމަޖެއްސެވީ މިދިޔަ ބުދަ ދުވަހު އެވެ. ހއ އަތޮޅު ކައުންސިލްގެ އ.ޑިރެކްޓަރުގެ މަގާމުގައި ޝަފީޤު 5 އަހަރު ހިދުމަތްކުރައްވާފައިވެ އެވެ.
މީގެން ކުރިން ޝަފީޤު އުޅުއްވީ ތައުލީމީ ދާއިރާގައި، ހއ އަތޮޅު ތައުލީމީ މަރުކަޒުގެ ގިނަ މަގާމުތަކެއް އޭނާވަނީ ފުރުއްވާފަ އެވެ.