ސަރުކާރުގެ ހިންގުން ހަރުދަނާކުރެއްވުމާއި، އޮފީސްތަކުގެ މަސައްކަތްތައް ހަލުވިކުރެއްވުމުގެ ގޮތުން 2017 ޖަނަވަރީ 15 ވަނަ ދުވަހުން ފެށިގެން ދައުލަތުގެ އޮފީސްތަކުން ނެރުއްވާ އިއުލާންތަކާއި ދެންނެވުންތަކާއި ނޫސްބަޔާންތައް، އެ ލިޔުމެއް ނިސްބަތްވާ އޮފީހަކުން ދިވެހިސަރުކާރުގެ ގެޒެޓުގައި ޝާއިއުކުރުމަށް ރައީސުލްޖުމްހޫރިއްޔާ ހަމަޖައްސަވައިފިއެވެ.
ރައީސުލްޖުމްހޫރިއްޔާގެ އޮފީހުން ނެރުނު ދެންނެވުމުގައިވާ ގޮތުން، މިގޮތަށް ހަމަޖެއްސެވިނަމަވެސް، މިހާރެކޭ އެއްގޮތަށް ދައުލަތުގެ އޮފީސްތަކުން ނެރޭ ގަވާއިދާއި، އުސޫލުތަކާއި، މިފަދަ ގާނޫނީ އެހެނިހެން ލިޔުންތައް ކުރިއެކޭ އެއްގޮތަށް ގެޒެޓުގައި ޝާއިއުކުރައްވަމުން ގެންދަވާނީ ރައީސުލްޖުމްހޫރިއްޔާގެ އޮފީހުން ކަމަށެވެ.
ގެޒެޓުގައި ލިޔުންތައް ޝާއިއުކުރުމާބެހޭގޮތުން ދައުލަތުގެ އޮފީސްތަކުން އަމަލުކުރައްވަންވީ ގޮތް، ރައީސްޖުމްހޫރިއްޔާގެ އޮފީހުން އޮފީސްތަކަށް އަންގަވަމުން އެބަގެންދަވައެވެ.
އަފްގާނިސްތާން އަތުން ބަލި، ނަމަވެސް ޒުވާން ކުޅުންތެރިންގެ ކުޅުމުން އުޖާލާ ކުރިމަގެއް
ކުޅުދުއްފުށީގެ ފަހުރު އަހްނާ، 200 މީޓަރު ދުވުމުގެ ގައުމީ ރެކޯޑް އާކޮށްފި
ކުޅިވަރު ކުޅޭ ތަންތަނުގައި ނަމާދު ކުރެވޭނެ ގޮތް ހަދަނީ
16 އަހަރުން ދަށުގެ ކުދިންނަށް ސޯޝަލް މީޑިއާ ބޭނުންކުރުން މަނާކުރަނީ
