އަންނަ އަހަރު ކޮމަންޑޫގައި 50 ހައުސިންގ ޔުނިޓް އަޅަނީ

2017 ވަނަ އަހަރުގެ ތެރޭގައި ށ. ކޮމަންޑޫގައި 50 ހައުންސިންގ ޔުނިޓް އަޅަން ހަމަޖެހިފައިވާކަމަށް ހައުސިންގ މިނިސްޓަރ ޑރ މުހައްމަދު މުއިއްޒު ވިދާޅުވެއްޖެ އެވެ.

އެ މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި މިނިސްޓަރ މުއިއްޒު ވިދާޅުވީ އަތޮޅުތެރޭގެ އަށް ރަށެއްގައި އަންނަ އަހަރު އަލަށް 600 ހައުސިންގ ޔުނިޓްތަކެއް އެޅުމުގެ މަސްރޫއު ފަށާނެ ކަމަށާއި އެކަން ވީހާވެސް އަވަހަކަށް ފެށުމަށް ރައީސް އޮފީހުންވެސް އަންގާފައިވާ ކަމަށެވެ.

އަންނަ އަހަރު ހައުސިންގ ޔުނިޓްތައް އެޅުމަށް ހަމަޖެހިފައިވާ ރަށްތަކުގެ ތެރޭގައި ށ. ކޮމަންޑޫގެ އިތުރުން ބ. އޭދަފުއްޓާއި ޅ. ހިންނަވަރު، ޅ. ނައިފަރު އާއި ދ. މީދޫ އާއި ދ. ކުޑަހުވަދޫގެ އިތުރުން ސ. ފޭދޫ އެވެ.

މިނިސްޓަރު ވިދާޅުވީ މިހާރު ކުރިޔަށް ގެންދަނީ އެގްރީމަންޓަކާ ހަމަޔަށް ދިއުމަށް ކުރަން ޖެހޭ މަސައްކަތް ކަމަށާއި މި އަށް ރަށުގައި ހައުސިން ޔުނިޓްތައް އެޅުމުގެ މަސައްކަތް އަންނަ އަހަރުގެ ކުރީކޮޅު ބަޔަކާ ހަވާލުކުރެވި މަސައްކަތް ފެށޭނެ ކަމަށެވެ.