އުރީދޫއިން އިރޮސް ނައު ރާއްޖެއަށް ތައާރަފުކޮށްފި

އުރީދޫއިން އިރޮސް އާއި ގުޅިގެން، މަގްބޫލް ކޮންޓެންޓް ޕްލެޓްފޯމް އިރޮސް ނައު ތައާރަފްކޮށް، ބޮލީވުޑް ފިލްމުތަކާއި އިންޑިޔާގެ ވީޑިއޯ އަދި އޯޑިއޯ ކޮންޓެންޓްގެ އެންމެ ބޮޑު ކަލެކްޝަން ފަސޭހަކަމާއިއެކު ބަލާލުމުގެ ފުރުސަތު ފަހިކޮށްދީފި އެވެ.

އިރޮސް ނައު އަށް ސަބްސްކްރައިބް ކުރުމަށް 3 ޕެކޭޖެއް ވަނީ ތަޢާރަފްކޮށްފައެވެ.

ރޮސް ނައުގެ އެޑެޕްޓިވް ސްޓްރީމިންގ ފީޗަރ މެދުވެރިކޮށް ސްމާރޓް ފޯންތަކަށް އެންމެ ފުރިހަމަ އުރީދޫ ނެޓްވާރކްގައި، ބޮލީވުޑްގެ ފިލްމުތަކާއި ޓީވީ ސީރީސްތައް، ވީޑިއީ އަދި އޯޑިއޯ ކޮންޓެންޓް އޭގެ އެންމެ ފުރިހަމަގޮތުގައި އަދި އެއްވެސް އިސްތިހާރެއް ނުވަތަ މެދުކެނޑުމަކާ ނުލާ ތަޖުރިބާކޮށްލެވޭނެއެވެ.

މީގެ އިތުރުން ކޮންޓެންޓް ޑައުންލޯޑް ކުރައްވާ އޮފްލައިންކޮށްވެސް މި ހިދުމަތް ބޭނުންކުރެއްވޭނެ އެވެ.