ކުޅުދުއްފުށީ ކައުންސިލް ޤުރުއާން މުބާރާތް ފަށައިފި

ކުޅުދުއްފުށީ ކައުންސިލުން އިންތިޒާމުކޮށްގެން ބާއްވާ ޤުރުއާން ކިޔެވުމުގެ މުބާރާތް މިއަދު ފަށައިފި އެވެ.

ADVERTISEMENT

މިއަދު މެންދުރު ފަހު ތިލަދެކުނު ސިނަމާގައި ފެށި މިމުބާރާތުގައި 3 ސްކޫލަކާއި 4 ޤުރުއާން ކުލާހަކު ޖުމްލަ 86 ދަރިވަރުން ވާދަކުރެ އެވެ.

އެގޮތުން އަފީފުއްދީން ސްކޫލުން 15 ދަރިވަރުން، ހދ އަތޮޅު ތައުލީމީ މަރުކަޒުން 15 ދަރިވަރުން އަދި ޖަލާލުއްދީން ސްކޫލުން 8 ދަރިވަރަކު ވަނީ ބައިވެރިވެފަ އެވެ.

ގުރުއާން ކުލާސްތަކުގެ ތެރެއިން އިޚްލާސް ގުރުއާން ކުލާހުން 15 ދަރިވަރުން، ޢުލޫމުލް ގުރުއާން ކުލާހަކުން ވަނީ 14 ދަރިވަރުން، މައިޒަމް ގުރުއާން ކުލާހުން 8 ދަރިވަރުން އަދި ޙިލާލުލް ގުރުއާން ކުލަހުން 11 ދަރިވަރުން ވަނީ ބައިވެރިވެފަ އެވެ.

މި މުބާރާތުގެ ފަނޑިޔާރުކަންކުރައްވަނީ ކުމުންދޫ، ފަހިވާ / އަލްގާރީ އަލީ ޤާސިމާއި މ. މަޑުއްވަރީ،ގޭޓް/ އަލްގާރީ ނިޝާދު ހަސަން އާއި ކުޅުދުއްފުށީ، ދާރުއްސަލާމު/ އަލްގާރީ  ހުސެއިން އަހުމަދެވެ.

މިމުބާރާތުގައި ހދ އަތޮޅު ގުރުއާން މުބާރާތުގައި ވާދަކުރާނެ ދަރިވަރުން ހޮވާނެ އެވެ.