ރައީސުލް ޖުމްހޫރިއްޔާގެ އަނބިކަބަލުން ފާތުމަތު އިބުރާހިމް ތިލަދުންމަތީގެ ބައެއް ރަށްތަކަށް މިއަދު ފެއްޓެވި ދަތުރުގައި ހއ އިހަވަންދޫއަށް ވަޑައިގަން އެރަށުގެ ޕީޕީއެމް އޮފީސް ރަސްމީކޮށް ހުޅުވައިދެއްވައިފި އެވެ.
މިއަދު ވަރަށް ހަވީރުވި ފަހުން ބޭއްވި މިރަސްމިއްޔާތުގައި ޕީޕީއެމްގެ ކައުންސިލަރުންނާއި ލޯކަލް ކައުންސިލް އިންތިހާބުގައި ވާދަކުރައްވާ ބައެއް ކެނޑިޑޭޓުން ވަނީ ބައިވެރިވެފަ އެވެ.
ރައީސްގެ އަނބިކަބަލުން މިއަދު ޕީޕީއެމް އިހަވަންދޫ އޮފސް ހުޅުވައިދެއްވުމުގެ ހަފްލާގައި —-
ކޭއޯއަށް މައުލޫމާތު ލިބިފައިވާ ގޮތުގައި މިދަތުރުފުޅަކީ އެސަރަހައްދުގެ ރައްޔިތުންގެ ހާލު ގާތުން ދެނެގަތުމަށް އެކަމަނާ ކުރައްވާ ދަތުރުފުޅެއް ކަމަށެވެ.
މި ދަތުރުފުޅުގައި އިހަވަންދޫގެ އިތުރުން ހއ އުތީމް، ދިއްދޫ، ހޯރަފުށި، ކެލާ، އަދި ހަނިމާދޫގެ ވަޑައިގަތުމަށް ވަނީ ހަމަޖެހިފައިވެ އެވެ. އަދި އެރަށްރަށުގެ ރައްޔިތުންނާއި އެކަމަނާ ބައްދަލުކުރުމަށްވެސް ހަމަޖެހިފައިވާ ކަމަށް މައުލޫމާތު ލިބި އެވެ.
އެކަމަނާގެ މިދަތުރުފުޅުގައި ހއ އަތޮޅަށް ނިސްބަތްވާ ކެބިނެޓްގެ ބައެއް ވަޒީރުންނާއި މަޖިސް މެމްބަރުން ބައިވެރިވެވަޑައިގަންނަވަ އެވެ.