ހދ. ޤުރުއާން މުބާރާތުން އެއްވަނަ ހޯދާ ފައިހާ ވިދާލައިފި

ހދ އަތޮޅު ޤުރުއާން ކިޔެވުމުގެ މުބާރާތުގައި 11 ރަށުގެ 141 ދަރިވަރުންާ ވާދަކޮށް މުޅި މުބާރާތުން އެއްވަނަ ހޯދައި ވައިކަރަދޫ، ފަލްކަމް، ފައިހާ އަބުދުﷲ އަޤީލް ވިދާލައިފި އެވެ.

މުޅި މުބާރާތުން އެންމެ މަތިން މާކްސް ހޯދުމުގެ ސަބަބުން ފައިހާއަށް ވަނީ އުމުރާ ދަތުރެއްވެސް ލިބިފަ އެވެ. އުމުރާ ދަތުރު ހަދިޔާކޮށްފައިވަނީ އަސްކޮއި އިންވެސްޓްމަންޓް، ރަބަރޭ ކޮންޓްރަކްޝަން އަދި ސެވަން ކޮންސްޓްރަކްޝަނުންނެވެ. ފައިހާ ވަނީ މިދިޔަ އަހަރުވެސް މި ފަރާތުން ހަދިޔާކުރި އުމުރާ ދަތުރުވެސް ލިބިފަ އެވެ.

ފައިހާ އުމުރާ ދަތުރާ ހަވާލުވަނީ–

މިއަހަރުގެ މުބާރާތުން ފައިހާ ވަނީ އޭނާ ބައިވެރިވި ނުބަލާ ކިޔެވުމުގެ ގޮފިން 9 އަހަރުން ދަށުގެ އުމުރުފުރާއިންވެސް އެއްވަނަ ހާސިލްކޮށްފަ އެވެ. ފައިހާ ވަނީ މީގެ ކުޜި އަހަރުތަކުގައިވެސް ބޭއްވި ޤުރުއާން މުބާރާތްތަކުން އަތޮޅަށާއި ރަށަށް ރީތި ނަން ހޯދައިދީފަ އެވެ.