ކުޅުދުއްފުށީގައި ހުންނަ ޔޫރޯ ސްޓޯރުގެ ފިހާރާގައި މަސައްކަތް ކުރާ މުވައްޒަފުންތަކެއް އެތަނަށް ހިޔާނާތްވިކަމުގެ މައްސަލައެއް ފުލުހުން ތަހުގީގުކުރަން ފަށައިފި އެވެ.
ކޭއޯއަށް މައުލޫމާތު ދެމުން ފުލުހުން ބުނީ ކުޅުދުއްފުށީ ހުންނަ ޔޫރޯ ސްޓޯރުގެ ފިހާރައިގެ މުވައްޒަފުންތަކެއް އެތަނަން ހިޔާނާތްވިކަމުގެ މައްސަލައެއް ފުލުހުންނަށް ހުށަހެޅި ތަހުގީގުކުރަމުންދާ ކަމަށެވެ.
މި މައްސަލައިގައި އިތުރު ތަފްސީލެއް ފުލުހުންނެއް ނުދެ އެވެ.
ކޭއޯއަށް އެނގިފައިވާ ގޮތުގައި މިމައްސަލައިގައި ކުޅުދުއްފުށީގައި ހުންނަ ޔޫރޯ ސްޓޯރުގައި މަސައްކަތްކުރާ ދެ މުވައްޒަފަކު ވަނީ ވަޒީފާއިން ސަސްޕެންޑްކޮށްފަ އެވެ.
ޔޫރޯ ސްޓޯރަކީ ރާއްޖެއަށް މަޝްހޫރު ގިނަ ބްރޭންޑުތަކެއްގެ ޗޮކްލެޓާއި އެހެނިހެން ކާބޯތަކެތި އެތެރެކުރާ ފިހާރަ އެވެ.