ކުޅުދުއްފުށީ ފަޅު ތެރެއަށް ބަހާދަރު ބޯޓު ބީހިއްޖެ

މުދަލާއި، މީހުންނާއެކު އިއްޔެ ހަވީރު މާލެއިން ފުރައިގެން ކުޅުދުއްފުއްޓަށް އައި ބަހާދަރު ބޯޓް ކުޅުދުއްފުށީ ބަނދަރު ތެރެއަށް ބީހިއްޖެ އެވެ.

ބޯޓު ބީހިފައިވަނީ ބަނދަރުގެ މެދެއްހާ ހިސާބަށެވެ. މި ހާދިސާގައި މީހަކަށްވެސް އަދި އެއްވެސް މުދަލަކަށް ގެއްލުމެއް ނުވެއެވެ.

ބީހުނު ވަގުތު ލޯންޗް ފަހަރުގައާއި، ކުދި ދޯނި ފަހަރުގައި މީހުންނާއި މުދާ ބޭލުމުގެ މަސައްކަތް ވަނީ ކޮށްފަ އެވެ. މިހާރު ބޯޓްވަނީ ބަނދަރަށް ކައިރީކޮށް، އާއްމު އުސޫލުގެ މަތިން މުދާ ހުސްކުރަމުންނެވެ.