ކައުންސިލަރުން ހުވާކުރެއްވުން އަންނަ ހޮނިހިރުދުވަހު ހދ އޭއީސީގަ

ހދ އަތޮޅު ކައުންސިލަށާއި ކުޅުދުއްފުށީ ރަށު ކައުންސިލަށް އަލަށް ހޮވުނު ކައުންސިލަރުން މަގާމުގެ ހުވާކުރެއްވުމުގެ ރަސްމިއްޔާތު ޖޫން 3 ވަނަ ދުވަހު ހދ އަތޮޅު ތައުލީމީ މަރުކަޒުގައި ބާއްވާގޮތަށް ހަމަޖައްސަވައިފި އެވެ.

ހދ އަތޮޅު ކައުންސިލަށް ހޮވުނު ކައުންސިލަރުންނާއި ކުޅުދުއްފުށީ ކައުންސިލަށް ހޮވުނު ކައުންސިލަރުންގެ ހުވާކުރެއްވުން ކުރިއަށްދާނީ ވަކިވަކިންނެވެ. މި ރަސްމިއްޔާތު ކުރިއަށްދާނީ ޖޫން 3 ވަނަ ދުވަހު ހެނދުނު 9:00 ހދ އަތޮޅު ތައުލީމީ މަރުކަޒުގެ ހޯލްގަ އެވެ.

އާ ކައުންސިލަރުން ހުވާ ކުރެއްވުމަށްފަހު ހުވާގެ އިޤްރާރުގައި ސޮއި ކުރައްވާނެ އެވެ.

އާއްމުނަށްވެސް ވަދެވޭގޮތަށް ހުޅުވާލައިގެން ކުރިއަށްގެންދާ މިރަސްމިއްޔާތަށް މުވައްސަސާތަކުގެ ވެރިންނަށާއި ސަރުކާރުގެ އޮފީސްތަކުގެ ވެރިންނަށް ދައުވަތު އެރުވުމަށް ވަނީ ހަމަޖެހިފަ އެވެ.