ރެސިޕީ: ޗިޕްސް ބޯކިބާ

ބޭނުންވާ ތަކެތި

1 ފިޔާ

3 މިރުސް

1 ހިކަނދިފަތް

½ 1 ލުނބޯ

2 ދަޅު މަސް

ރަހަލާވަރަށް ލޮނުކޮޅެއް

ތެލުލައިފަހުރި ޕޮޓޭޓޯ ޗިޕްސް (ދިގުކޮށް ކޮށާފަ ހުރި)

4 ޓޮމާޓޯ (ސްލައިސް ކޮށް ކޮށާފައި)

4 ބިސް

ތައްޔާރު ކުރާނެގޮތް

ފިޔާ، މިރުސް، ހިނކަދިފަތް ކޮށާފަ ލޮނުކޮޅަކާއި އެކީ ރަނގަޅަށް މޮޑެލާށެވެ. ދެން މަސްދަޅު އަޅާފައި މަސްހުނި މޮޑޭގޮތަށް މޮޑެލާނީއެވެ.

ތަވާގައި މާޖިރިން އުނގުޅާފައި ސްލައިސް ޓޮމާޓޯ ލޭޔަރެއް އަޅާފައި އޭގެ މައްޗަށް މަސްހުނި ލޭޔަރެއް އަޅާށެވެ. އަނެއްކާވެސް ޓޮމާޓޯ އަޅާފަ، ދެން ޗިޕްސް އަތުރާފަ އޭގެ މައްޗަށް މަސްހުނި ލޭޔަރެއް އަޅާށެވެ.

އެންމެ ފަހުން ގިރާފަ ހުރި ބިސް ތަވާގައި ހުރި ތަކެތީގެ މައްޗަށް މަތި ފޮރުވޭ ވަރަށް އަޅާށެވެ. އަދި މަޑުގިނީގައި މަތި ޖަހައިގެން ފިހެލާށެވެ.

މަސްދަރު: ކާނާ