ހއ.އިހަވަންދޫ ޕޮލިސް ސްޓޭޝަނުން އެރަށުގައި ޓްރެފިކް އޮޕަރޭޝަނެއް ހިންގައިފިއެވެ.
ޕޮލިސް މީޑިޔާއިން މައުލޫމާތު ދޭ ގޮތުގައި މިމަހު 18 އަދި 19 ވަނަ ދުވަހުގެ ހަވީރު ހިންގި މި އޮޕަރޭޝަންގައިި އެރަށުގައި ދުއްވާ އިންޖީނުލީ 28 އުޅަނދެއް ބަލައިފާސްކޮށްފައިވާ ކަމަށެވެ. އަދި މި އޮޕަރޭޝަނުގައި ލައިސަންސް ނެތި ސައިކަލު ދުއްވާ ފަރާތްތަކާއި ސައިކަލުގެ އަހަރީފީއާއި ރޯޑުވާދިނަސްއާއި އިންޝުއަރެންސް ސްޓިކާ ހަމަތޯ ބަލައިފައިވާ ކަމަށާއި ޤަވައިދާ ހިލާފްވި 3 ފަރާތަކާމެދު ފިޔަވަޅު އަޅާފައިވާ ކަމަށެވެ.
މި އޮޕަރޭޝަނަކީ މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށާއި އިހަވަންދޫގައި ދުއްވާ އުޅަނދުތަކަކީ ޤާނޫނާއި ޤަވައިދާ އެއްގޮތަށް ދުއްވާ އުޅަނދުތަކެއްތޯ ބެލުމުގެ ގޮތުން ހިންގި އޮޕަރޭޝަނެއް ކަމަށް ޕޮލިސް މީޑިޔާއިން މައުލޫމާތު ދެއެވެ.
