ރާއްޖޭގެ 25 ރަށެއްގައި ޕީޕީއެމްގެ ކެމްޕެއިން ހަރަކާތްތައް މި ހަފްތާ ބަންދުގައި ބޭއްވުމަށް ޕީޕީއެމްއިން ނިންމައި،އެކަން ހާމަކޮށްފައިވަނީ މިދިޔަ ބުރާސްފަތި ދުވަހު އެވެ.
މިހެން މިކަން އޮއްވާއި ކުޅުދުއްފުށީގައި މިއަދު ހަވީރު ޕީޕީއެމްއިން ބާއްވާ ލޮރީބުރަށް މީހުން އެއްކުރަން އަޑުގަދަ ކުރާއިން ގޮވަނީ ސަރުކާރުގެ އިވެންޓެއްގެ ނަމުގަ އެވެ. އަޑުގަދަ ކުރާއިން ގޮވަނީ ރައީސް ޔާމީންގެ ތަރައްގީއާއެކު ރައްޔިތުން ތިބިކަން ހާމަ ކުރަން ސަރުކާރުން ބާއްވާ ލޮރީބުރެއް އޮންނަވާހަކަ އެވެ.
ކުޅުދުއްފުށީގެ ޕީޕީއެމްގައި އިސްކޮށް އުޅުއްވައި ފަރާތްތަކަށް ގުޅާލުމުން އޭނާވެސް ވިދާޅުވީ މިއަދު ބާއްވަނީ ޕީޕީއެމްގެ ހަރަކާތެއް ނޫން ކަމަށާއި އެއީ ސަރުކާރުގެ އިވެންޓެއް ކަމަށެވެ.
މިއަދު ހަވީރު ކުޅުދުއްފުށީގައި ބާއްވާ މިއިވެންޓަށް ސަރުކާރު ހިއްސާވާ ކުންފުނިތަކުގެ މުވައްޒަފުންނަށް ވަނީ ހާޒިރީ ބަލާގޮތަށް ލޮރީބުރަށް ނުކުތުމަށް އަންގާފަ އެވެ. އަދި ބައެއް މުވައްސަސާތަކުގެ ލޮރީވެސް މިއިވެންޓްގައި ބައިވެރިކުރުމަށް ހަމަޖެހިފައިވާކަން ވަނީ އެނގިފަ އެވެ.
މިކަމާ ގުޅިގެން ކުޅުދުއްފުށީ ކައުންސިލްގެ ނައިބު ރައީސަށް ގުޅާލުމުން ވިދާޅުވީ ރޭގެ ވަގުތެއްގައި ހައުސިންގ މިނިސްޓްރީގެ ކޯޑިނޭޓަރަކާއި އެމްޕީއެލްގެ ބައެއް ބޭފުޅުން ހިމެނޭގޮތަށް ކައުންސިލާ ބައްދަލުކޮށް ރައީސް ޔާމީންގެ ރާއްޖެއަށް ގެންނަމުންދާ ތަރައްގީއާ އެކު ތިބިކަން ހާމަކުރަމުގެ ގޮތުން ސަރުކާރުން ކުޅުދުއްފުށީގައި ބާއްވާ އިވެންޓެއް އޮންނާނެކަމަށް ވިދާޅުވެފައިވާ ކަމަށް އަލީ ހާޝިމް ވިދާޅުވިއެވެ.
ރައީސްގެ ތަރައްގީއާއެކު ރައްޔިތުން ތިބިކަން ހާމަ ކުރަން ހަރަކާތެއް ބާއްވާނެ ކަމަށައި އެގޮތުން 25 ރަށެއްގައި ހަރަކާތެއް ކުރިޔަށް ގެންދާނެކަމަށް ޕީޕީއެމްއިން މިދިޔަ ބުރާސްފަތި ދުވަހު ހާމަކޮށްފައިވެ އެވެ. އަދި އެއިވެންޓްތައް ކުރިއަށްގެންދަން ހަމަޖެހިފައިވާ ރަށްތައްވެސް ހާމަކޮށްފައިވާއިރު އެރަށްތަކުގެ ތެރޭގައި ކުޅުދުއްފުށިވެސް ހިމެނެ އެވެ.
ދެން އަންނަ ކަރަންޓް ބިލުވެސް ބޮޑުވާނެކަމަށް ލަފާކުރެވޭ: ފަހުމީ
ދިރާގުގެ "ގާލްސް ޓު ކޯޑް" ގައި ރަޖިސްޓްރީވާން ހުޅުވާލައިފި
ކުންފުނީގެ ކާމިޔާބީގެ ބިންގަލަކީ މުވައްޒަފުންގެ ބުރަ މަސައްކަތް: މިފްކޯގެ އެމްޑީ
ޕޭ ކޮމިޝަންގައި ތާށިވެފައިހުރި ވަޒީފާގެ އޮނިގަނޑުތައް ފާސްކޮށްދެއްވުމަށް ގޮވާލައްވައިފި
