ކުޅުދުއްފުށީ އަމީނީމަގު ދުއްވާފައި ދިޔަ ކާރެއް ކޮންޓޯލް ނުކުރެވިގޮސް މަގު މެދުގައި ހުރި ހޮޅިދަނޑިއަކަށް އަރައި ގެންލުންވެއްޖެ އެވެ.
ދާދި ދެންމެއަކު ހިނގި މިއެކްސިޑެންޓްގައި ކާރުގެ ކުރީ ކޮޅަށް ވަނީ ވަރަށް ބޮޑަށް ގެއްލުންވެފަ އެވެ. ހޮޅިދަނޑިއަށްވެސް ވަރަށް ބޮޑަށް އަރިވެފަ އެވެ.
މޯލްޑިވްސް އިސްލާމިކް ބޭންކުގެ ކުރިމަތީގައި ހިނގި މިއެކްސިޑެންޓްގައި ހޮޅިދަނޑީގައި ޖެހިފައިވަނީ ގްރީން ޓެކްސީ ސެންޓަރުގައި ދުއްވާ ކާރެކެވެ.
މިއެކްސިޑެންޓްގައި އެއްވެސް މީހަކަށް އަނިޔާވެފައިއެއް ނުވެ އެވެ.