ފިހާރައެއްގެ ބިއްލޫރިގަނޑު ތަޅާލައި ބަކަރިއެއް ވަދެއްޖެ

ފިހާރައެއްގެ ބިއްލޫރިގަނޑު ތަޅާލައި ފިހާރައަށް ބަކަރިއެއް ވަދެއްޖެ އެވެ. ކުޅުދުއްފުށީގައި ހިނގި މިހާދިސާގައި ގެއްލުންވެފައިވަނީ “ކްރީކް” ނަމަކަށް ކިޔާ ފިހާރަކަށެވެ.

މިރޭ ގާތްގަނޑަކަށް 7 ޖަހާއެހާއިރު ހިނގި މިހާދިސާގައި ފިހާރައިގެ ދޮރުގެ ބިއްލޫރިގަނޑު ވަނީ ވަރަށް ބޮޑަށް ތަޅައިގެން ގޮހެވެ. އަދި މިހާދިސާގައި ބަކަރީގެ އެއް ފަޔަށް ވަނީ އަނިޔާވެފަ އެވެ.

ބަކަރި ދޫވެފައިވަނީ އައްސާފައި އިން ވާގަނޑު ކަނޑާލައިގެން ގޮސް، އޭގެ ވެރި މީހާއަށް އަތުނުވާން ދުވަމުން ގޮސް ފިހާރައިގެ ދޮރުގެ ބިއްލޫރިގަނޑުގައި ޖެހިގެންނެވެ.

ގްރީކް ފިހާރަ–

މިބަކަރިއަކީ އާދައިގެ ހެޔޮވަރުގެ ކަޅުކުލައިގެ ބަކައްޓެވެ.

ބަކަރި މިހާރުވަނީ އޭގެ ވެރި މީހާ ބެލުމުގެ ދަށުގަ އެވެ. މިބަކަރިއަކީ މާދަމާ ކަތިލުމަށް ގަނެގެން ގެނެސްފައިން ބަކައްޓެކެވެ.