ކުރީގެ ރައީސް މުހައްމަދު ނަޝީދުގެ ސަރުކާރުން ހއ ދިއްދޫގައި އަޅަން ފެށި އެއްވެސް ހައުންސިންގ ޔުނިޓެއް ނުހުންނާނެކަމަށް ހައުންސިންގ މިނިސްޓަރ ޑރ މުހައްމަދު މުއިއްޒު ވިދާޅުވެއްޖެ އެވެ.
މިނިސްޓަރ މުއިއްޒު ކުރެއްވި ޓްވީޓެއްގައި ލިޔުންވާފައިވަނީ ދިއްދޫގައި ރައީސް ނަޝީދުގެ ސަރުކާރުން އަޅަން ފެށި އެއްވެސް ހައުންސިންގ ޔުނިޓެއް ނުހުންނާނެ ކަމަށާއި އެރަށުގައި އިމާރާތްކޮށްފައިވާ ހައުންސިންގ ޔުނިޓްތަކުގެ ބިންގާ އަޅާފައިވަނީ އަމިއްލަ އަތުން ކަމަށް މިނިސްޓަރު ލިޔުންވާފައިވެ އެވެ.
HA.Dhidhoo gai Raees Nasheed sarukaaruga alhan fetti evves housing unit eh nuhunnane. Alhugandu ge athun hurihaa unit egge bingaa elhee.
— Dr.Mohamed Muizzu (@MMuizzu) September 18, 2017
މިނިސްޓަރު މިހެން ވިދާޅުވެފައިވާއިރު ދިއްދޫގެ ރޯހައުސްތައް ދޫކުރުމުގައި ކޮރަޕްޝަންގެ މައްސަލަތަކެއް އުޅޭކަމަށް ތުހުމަތުކޮށް އެރަށު ކައުންސިލުންވަނީ އޭސީސީއަށް މައްސަލަ ހުށަހަޅާފަ އެވެ.
ގެދޮރުވެރިކަމާ ގުޅޭ ގޮތުން އިއްޔެ ބޭއްވި ނޫސްވެރިންގެ ބައްދަލުވުމުގައިވެސް މިނިސްޓަރު މުއިއްޒު ވަނީ ދިއްދޫ ކައުންސިލުން އެއްބާރުލުމެއް ނުލިބޭކަމަށާއި ކުރަނީ ޖެއްސުންކަމަށް ވިދާޅުވެފަ އެވެ. ނަމަވެސް ދިއްދޫ ކައުންސިލުން އެކަން ދޮގުކުރެ އެވެ.