ސްކޫލް ކުދިން ސޯޝަލް މީޑިއާގައި އުޅޭތީ ހިތާމަކުރަން, އެކަމުން ނޭދެވޭ އަސަރުކުރޭ: ނާސިހާ
ޓެކްނޮލޮގީއަކީ މިއަދުގެ ދުނިޔޭގައި ކުރިމަތިވެފައިވާ އެންމެ ބޮޑު ގޮންޖެހުންކަމަށާއި އެކަމުން ފައިދާވާއިރު އެ ނުރަނގަޅުގޮތުގައި ބޭނުންކޮށްފިނަމަ އެކަމުގެ ސަބަބުން ނޭދެވޭ އަސަރުތަކެއް ކުރިމަތިލާން ޖެހޭކަމަށް އަފީފުއްދީން ސްކޫލްގެ ޕްރިންސިޕަލް ނާސިހާ އިދުރީސް ވިދާޅުވެއްޖެ އެވެ
ވައިކަރަދޫގައި ހުންނަ ހދ އަތޮޅު މަދަރުސާގެ އަހަރީ އިނާމުދިނުމުގެ ރަސްމިއްޔާތު ޝަރަފުވެރިކޮށްދެއްވާ ވާހަކަދައްކަވަމުން ނާސިހާ ވިދާޅުވީ މިއަދު މަސައްކަތް ކުރަންޖެހޭނީ ނަތީޖާ ރަނގަޅުކުރުމަށް ކަމަށެވެ.
“މިއަދު އަޅުގަނޑުމެންނަށް އޮތް އެންމެ ބޮޑު ގޮންޖެހުމަކީ ޓެކްނޮލޮޖީ. މިއަދު ދުނިޔޭގައި އޮތް އެންމެ ބޮޑު ނިއުމަތަކީވެސް ޓެކްނޮލޮޖީއޭ ބުނެވިދާނެ. އެ ރަނގަޅުގޮތުގައި ބޭނުންކޮށްފިނަމަ އޭގެ ފައިދާ އަދި ނުރަނގަޅު ގޮތުގައި ބޭނުންކޮށްފިނަމަ ދުނިޔޭގެ ގެއްލުމާއި ހަލާކާ ކުރިމަތިލާން އެބަ ޖެހޭ”
ޓެކްނޮލޮގީއަށް ވަދެފައިވާ މިންވަރުންނާއި ބެލެނިވެރިން ކުދިން ދެކެވާ ލޯބިން ފޯނާއި ޓެބްލެޓް ފަދަ ވަސީލަތަށް ދަރިންނަށް ހޯދައިދީ ބޭނުންވާ ހުރިހާ ކަމެއް އެކުދިންނަށް ކޮށްދިނުމަކީ އެންމެ ރަނގަޅު ގޮތްނޫން ކަމަށް ނާސިހާ ވިދާޅުވި އެވެ. ދުނިޔޭގައި މިއަދު ކުރާ ދިރާސާތަކުން ދައްކާގޮތުގައި އިންސާނުންކުރާ މަސައްކަތުގެ ނަތީޖާ ހާސިލުވުމަށް އެޅޭ ހުރަހަކީ މަލްޓިޓާސްކް ކަމަށާއި މިކަމުގައި އޮތް އެންމެ ބޮޑު ވަސީލަތްތަކަކީ މޯބައިލް ފޯނު ފަދަ ވަސީލަތްތަކަމަށް ނާސިހާ ވިދާޅުވި އެވެ.
“ހިތާމަ ކުރަން ސުކޫލް ދަރިވަރުން ޝޯޝަލް މީޑިޔާގަ އުޅޭތި. އަޅުގަނޑު ހިތާމަ ކުރަމޭ މިކަން މިހެން ވާތީ އެކަމަކު މިއަދުގެ ދުނިޔެއިން ދަސްވަމުން މިދަނީ ޓެކްނޮލޮޖީއާއެކުގައި އުޅެން ދަސްކުރަންޖެހިފައި މިއޮތީ. އެހިސާބުން ރަނގަޅު ގޮތުގައި އެ ބޭނުންކުރަން އެބަ ޖެހޭ .” އަފީފުއްދީން ސްކޫލްގެ ޕްރިންސިޕަލް
ބެލެނިވެރިންނަށް ނަސޭހަތެރިވަމުން ނަސިހާ ވިދާޅުވީ ކުޑައިރުން ފެށިގެން ދަރިންނަށް ނޫނެކޭ ބުނަން ދަސްކޮށްދޭން ޖެހޭ ކަމަށާއި ބޭނުންވާހާ އެއްޗެހި ނުގަނެވޭ ހާލު ގަނެނުދެނުމަށެވެ. އަދި ރަނގަޅު އެއްޗެއްސާއި ނުރަނގަޅު އެއްޗެހި ކިޔައިދީގެން ބޮޑުވާ ކުދިންނަށް ނޫނެކޭ ބުނަށް ޖެހިގެންކަން އެހެންއެ ބުނަނީ އެނގޭނެކަމަށް ނާސިހާ ވިދާޅުވި އެވެ. އެފަދަ ދަރިންނަށް ރަނގަޅު ނަތީޖާއެއް ހޯދޭނެކަމަށް އޭނާ ވިދާޅުވި އެވެ.
