އަފީފުއްދީން ސްކޫލުން މިދިޔަ އަންގާރަ ދުވަހު ބޭއްވި އެ ސްކޫލުގެ ޖަމްބަލް ސޭލްއިން ޖުމްލަ 56،872.50 ރުފިޔާ ހޯދައިފި އެވެ.
އެސްކޫލް ހޯލުގައި 10 ސްޓޯލް ބަހައްޓައިގެން ކުރިއަށް ގެންދިޔަ މި ސޭލްގައި އެންމެ ގިނަ ރުފިޔާ ހޯދާފައިވަނީ އަތްވަށި ގުރޫޕުންނެވެ. އެއީ 7275.00 ރުފިޔާ އެވެ.
އަފީފުއްދީން ސްކޫލުގެ ޖަމްބަލު ސޭލް ހުޅުވައިދެއްވީ ނޫރުލް އިސްލާމް އިންޓަރނޭޝަނަލްގެ ޑެޕިއުޓީ ޑިރެކްޓަރު އަލީ އުސެއިދު އެވެ.
މިސޭލް ކުރިއަށް ގެންގޮސްފައިވަނީ 10 ގްރޫޕަކަށް ބަހާލައިގެންނެވެ. އެގޮތުން މި ސޭލްގައި ފައިވާން، ބޫޓް، ފޮތް، އަންނައުނުގެ އިތުރުން ބަދިގެ ސަމާނާއި ކުޅޭ ތަކެތި ވަނީ ވިއްކާފަ އެވެ.
މި ސޭލް އިން ލިބުނު ރުފިޔާ ހަރަދުކުރަމަށް ހަމަޖެހިފައިވަނީ ދަރިވަރުންނަށް އަމާޒުކޮށްގެން ހިންގޭ ހަރަކާތްތަކުގައި ކަމަށް އެ ސްކޫލުން މައުލޫމާތު ދެއެވެ