ޓީޗަރުންގެ ދުވަސް ކުލަގަދަ ގޮތެއްގައި މުޅި ރާއްޖޭގައި ފާހަގަކުރަމުން މިއަދު އަންނައިރު ސްކޫލުތަކާއި ބެލެނިވެރިން އަދި ދަރިވަރުން ޓީޗަރުންނަށް މަރުހަބާ ކިޔުމަށްދަނީ ތަފާތު ހަރަކާތްތަށް ހިންގައި ރާވަމުންނެވެ.
އެގޮތުން ކުޅުދުއްފުށީގެ އެންމެ އާބާދި ބޮޑު ސްކޫލުގެ ޓީޗަރުންނަށް ސްކޫލުން މިއަދު ކިޔާފައިވަނީ ވަރަށް ހޫނު މަރުހަބާއެކެވެ. ރަތްދޫލައިގައި ޓީޗަރުން މިއަދު ސްކޫލަށް ވަދެފައިވާއިރު ޕްރިންސިޕަލާއި ސީނިއަރ މޭޖުންމެންޓުން ޓީޗަރުންނަށްވަނީ ހޫނު މަރުހަބާ ކިޔާފަ އެވެ.
ހދ އޭއީސީގެ ޓީޗަރުންނަށް މިއަދު މަރުހަބާ ކިޔަނީ– ފޮޓޯ: ސްނެޕް ސްޓޫޑިއޯ
ކޮންމެ އަހަރަކުވެސް ހދ އަތޮޅު ތައުލީމީ މަރުކަޒުގައި ކުލަގަދަ ގޮތެއްގައި އަންނަނީ ޓީޗަރުންގެ ދުވަސް ފާހަގަކުރަމުންނެވެ. މިއަހަރުވެސް ޓީޗަރުންގެ ދުވަސް ފާހަގަކުރުމުގެ ގޮތުން ގިނަ ހަރަކާތްތަކެއް ދަނީ ކުރިއަށްގެންދަމުންނެވެ.
ހދ އަތޮޅު ތައުލީމީ މަރުކަޒުގައި މިއަހަރު 73 ޓީޗަރުން އަންނަނީ ވަޒިފާއަދާކުރަމުންނެވެ.