ކުޅުދުއްފުށީ އަފީފުއްދީން ސްކޫލު ކައިރީގައި ދެ ސައިކަލު ޖެހި ހިނގި އެކްސިޑެންޓެއްގައި ދެ މީހަކަށް އަނިޔާވެއްޖެ އެވެ.
މެންދުރުފަހު ހިނގި މި އެކްސިޑެންޓްގައި ޖެހިފައިވަނީ އަމީނީމަގުން އުތުރުން ދެކުނަށް ބާރު ސްޕީޑްގައި ދުއްވާފައި ދިޔަ ސައިކަލެއް ކޮންޓްރޯލް ނުކުރެވި އިރުން ހުޅަނގަށް، އަމީނީމަގު ހުރަސްކުރަން ދިޔަ ސައިކަލެއްގައި ޖެހިގެންކަމަށް މަންޒަރު ދުށް މީހަކު މިނޫހަށް ކިޔައިދިނެވެ.
ކުޅުދުއްފުށީ ހޮސްޕިޓަލުން ބުނީ އެކުސިޑެންޓްގައި އަނިޔާވެގެން އަންހެންނަކާއި ފިރިހެނަކަށް ފަރުވާދެމުން އަންނަކަމަށާއި ލިބިފައިވާ އަނިޔާގެ ތަފުސީލު އަދި ދެވެން ނެތް ކަމަށެވެ. ނަމަވެސް ސީރިއަސް އަނިޔާތަކެއް ވެފައިނުވާ ކަމަށް ހޮސްޕިޓަލުން ބުންޏެވެ.
މިއެކްސިޑެންޓުގައި އަނިޔާވެފައިވަނީ 38 އަހަރު އަންހެނަކަށާއި 22 އަހަރުގެ ފިރިހެނަކަށެވެ.
މިއެކްސިޑެންޓްގައި ސައިކަލުގައި ދުއްވަން ތިބި ދެ މީހުންނަށް އަނިޔާވެފައިވާއިރު ދެ ސައިކަލަށާއި އަފީފުއްދީން ސްކޫލުގައި ކައިރީގައި ހުރި ބައިސްކަލުތަކަކަށް ވަނީ ގެއްލުންވެފައި އެވެ.
މި އަހަރު 22 މީހަކަށް އެޗްއައިވީ ޖެހިއްޖެ
28 ކުދިން ބޯންމެރޯ ހެދުމަށް ރާއްޖެއިން ބޭރަށް ފޮނުވައިފި
ބޮޑު ތިލަދުންމަތި ބޮޑު ބާޒާރު ހުޅުވައިފި
މަގު ކޮންނަ ފަރާތުގެ އިހުމާލުން ކަރަންޓު ކޭބަލަކަށް ގެއްލުންވެއްޖެނަމަ ހަރަދު ހޯދަނީ
