ކުޅުދުއްފުއްޓަށް ބޭނުންވަނީ ސްޕީޑް ބާރު ފެރީ ނިޒާމެއް: ރައީސް ނަޝީދު

ކުޅުދުއްފުށީގެ ހިތްގައިމު މަށިކުށި ހިއްކައިގެން އެއާޕޯޓް އަޅަން ސަރުކާރުން ނިންމާފައިވާތީ އެކަމާ ކަންބޮޑުވެވަޑައިގެން ކުރީގެ ރައީސް ނަޝީދު ވިދާޅުވީ ކުޅުދުއްފުއްޓަށް  ބޭނުންވަނީ އިތުބާރު ކުރެވޭ އަވަސް ފެރީ ނިޒާމެއް ކަމަށެވެ.

ބޮޑު ކުޅި ހިއްކައިގެން އެއާޕޯޓް އަޅަން މަސައްކަތް ކުރަމުންދާ ވަގުތެއް ރައީސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ ” ކުޅިދުއްފުށި ” އިން ކުޅި ނެގީމާ އެއީ އެހެން ރަށެއް ކަމަށެވެ.

Kulhi-Duh-Fushi in kulhi negeema eyi ehen rasheh.KF a beynumi ithubaraieku gadiah,baarah,avahah dhathuru kureve ‘dhathurufathuruge nizam’ eh

— Mohamed Nasheed (@MohamedNasheed) October 23, 2017

ރައީސް ނަޝީދު ވިދާޅުވެފައިވަނީ ކުޅުދުއްފުއްޓަށް ބޭނުންވަނީ އިތުބާރާއެކު ގަޑިއަށް ބާރު ސްޕީޑްގައި ދަތުރު ކުރެވޭ ” ދަތުރުފަތުރުގެ ނިޒާމެއް ” ކަމަށެވެ.

ކުޅި ހިމާޔާތް ކުރަން ގިނަ ބަޔަކު ގޮވާލަމުންދާއިރު ގިނަ ބަޔަކު ދަނީ ތަފާތު ޝުއޫރުތަށްފާޅުކުރަމުންނެވެ.

ކުޅުދުއްފުށީގައި އެއާޕޯޓް އަޅަން ރަށުގެ އިރުމަތި ފަރާތުންވެސް ޖާގަ ލިބޭ ކަމަށާއި އެސަރަހައްދަށް އެއާޕޯޓް ބަދަލުކުރުމަށް ގިނަ ބަޔަކު ދަނީ ގޮވާލަމުންނެވެ.