ކުޅުދުއްފުށީގައި ގާއިމުކުރާ ބޮޓްލިންގ ޕްލާންޓްގެ އިމާރާތް އަހަރު ނިންމާ ދެވަނަ ކުއާޓާރގެ ތެރޭގައި އެ ބޮޓްލިންގ ޕްލާންޓްއިން ފެން އުފައްދަން ފެށޭނެކަމަށް އައިލެންޑް ބެވަރޭޖަސް މޯލްޑިވްސް ހާމަކޮށްފި އެވެ.
ބޮޓްލިން ޕްލާންޓް ބެހެއްޓުމަށްޓަކާ ހަދައި އިމާރާތުގެ މަސައްކަތް ފެށިގެން ހަލުވިކަމާއެކު ދަނީ ކުރިއަށެވެ. މިއިމާރާތް ހަދަން ދަނީ ކުޅުދުއްފުށީގައި ހުންނަ އެމްޑަބުލިއުއެސްސީ އޮފީސް ގޯތި ތެރޭގަ އެވެ.
އައިލެންޑް ބެވަރެޖަސްއިން ބުނީ ބޮޓްލިންގ ޕްލާންޓް ބަހައްޓާ އިމާރާތުގެ މަސައްކަތް 2018 ވަނަ އަހަރު ފުރަތަމަ ކުއާޓާރ ތެރޭގައި ނިންމާ، ހަމަ އެއަހަރު ދެވަނަ ކުއާޓާރގެ ތެރޭގައި ފެން އުފަންދަން ފަށާނެ ކަމަށެވެ.
މި ބޮޓްލިންގް ޕްލާންޓް އިން އުފައްދާ ފެން ވިއްކަން ހަމަޖެހިފައިވަނީ މާލެ އެކޭ އެއް އަގެއްގައިކަމުން މިހާރު ކުޅުދުއްފުށީ ސަރަހައްދުގެ ފެން ވިއްކާ އަގަށް ހެޔޮ ބަދަލެއް އަންނާނެ ކަމަށް އެކުންފުނިން މައުލޫމާތުދެ އެވެ.
މި ބޮޓްލިންގ ޕްލާންޓްއިން ހދ. އަތޮޅާއި މިސަރަހައްދުގެ ރައްޔިތުންނަށް ބޭނުންވާ ފުޅީގައި ބަންދުކުރެވޭ ފެން އުފެއްދިގެންދާނެ އެވެ.