ކުޅުދުއްފުށީ އެއާޕޯޓް މަޝްރޫއުގެ ބިން ހިއްކުމުގެ ރަސްމިއްޔާތު ފައްޓަވައިދެއްވުމަށް ރައީސުލް ޖުމްހޫރިއްޔާ އަބްދުﷲ ޔާމީން އަންނަމަހު ކުޅުދުއްފުއްޓަށް ވަޑައިގަތުމަށް ހަމަޖެހިފައިވާތީ އެމަނިކުފާނަށް މަރުހަބާ ދެންނެވުމަށް ކުޅުދުއްފުށީގައި ބޮޑެތި ތައްޔާރީތަކެއް ވަމުން އެބަ ދެއެވެ.
ރައީސްއަށް މަރުހަބާ ދެންނެވުމުގެ ކަންކަމުގައި އިސްކޮށްއުޅޭ އަބްދުއްރަހްމާން ކޭއޯއަށް މައުލޫމާތުދެމުން ބުނިގޮތުގައި އެއާޕޯޓް ޕްރޮޖެކްޓް ރަސްމީކޮށް ފައްޓަވައިދެއްވުމަށް ރައީސް ކުޅުދުއްފުއްޓަށް ވަޑައިގަތުމަށް ހަަމަޖެހިފައިވާތީ އެމަނިކުފާނަން ހޫނު މަރުހަބާ ދެންނެވުމުގެ ގޮތުން ގިނަ ކަންތައްތަކެއް އިންތިޒާމުކުރަމުން އަންނަ ކަމަށެވެ.
އެގޮތުން ރަށުތެރެ ޒީނަތްތެރިކުރުމާއި ސަގާފީ ހަރަކާތްތެއް ކަމަށްވާ “ފަރިއޮޅުލުން” ވެސް ދައްކާލުމަށް ހަމަޖެހިފައިވާ ކަމަށް އޭނާ ވިދާޅުވި އެވެ.
ރައީސުލް ޖުމްހޫރިއްޔާ ކުޅުދުއްފުއްޓަށް ވަޑައިގަތުމަށް ހަމަޖެހިފައިވަނީ އަންނަ މަހު 12 ވަނަ ދުވަހު އެވެ. އެއާޕޯޓް ޕްރޮޖެކްޓް ފައްޓައްވައިދެއްވުމުގެ ގޮތުން ބާއްވާ ހާއްސަ ޖަލްސާ އޮންނަނީ އެދުވަހުގެ ރޭގަނޑު އަމީނީމަގުގެ އުތުރުކޮޅު ކުޅި ސަރަހައްދުގަ އެވެ.
ރައީސް ޔާމީންގެ ވެރިކަމުގެ ފުރަތަމަ ދެ އަހަރު ތެރޭގައި ކުޅުދުއްފުށީގައި ޑޮމެސްޓިކް އެއާޕޯޓެއް ހަދައި ހިދުމަތް ދޭނެކަމަށް ވައުދުވެފައިވާއިރު މިއީ އެމަނިކުފާނު ވެރިކަމުގައި ކުޅުދުއްފުއްޓަށް ވަޑައިގަންނަވާ ދެވަނަ ފަހަރެވެ. އަދި ރަސްމީ ފުރަތަމަ ދަތުރުފުޅެވެ.
މައިމުޅަވުމުން ވެސް ތަރިކައިން ގޯތި ލިބޭ ގޮތް ހަދަން ހުށަހަޅައިފި
ރައީސްގެ ގަރާރު: ދެ އިންތިހާބު އެއްކޮށްލުމުގެ ވޯޓު އޭޕްރިލް 4 ގައި
ދެ އިންތިހާބު އެއްކޮށްލާ އިސްލާހަށް ހިޔާލު ހޯދަން ފެންނަ ނުފެންނަ ވޯޓެއް ނަގަނީ
ކުޅުދުއްފުށިން ކައްކާ ގޭސް ހުސްވެއްޖެ
