އެއާރޕޯޓު އެޅުމަޓަކައި ކުޅުދުއްފުށި ކުޅި ހިއްކުމަށް ހަވާލުކޮށްފައިވާ އެމްޓީސީސީގެ މާހާ ޖައްރާފަށް މިއަދު ކުޅުދުއްފުށީ ރައްޔިތުންގެ ފަރާތުން ފަރިވަޅުލުމެއް ދިނުމަށް ހަމަޖެހިއްޖެއެވެ.
މިއަދު ހަވީރު ކުރިއަށް ގެންދިއުމަށް ހަމަޖެހިފައިވާ މި ހަރަކާތުގައި ވީހާވެސް ގިނަ އަންހެން ކަނބަލުން ބައިވެރިވުމަށް މި ހަރަކާތް ރޭވުމުގައި އިސްކޮށްއުޅޭ ފަރާތްތަކުން އެދޭއިރު ބައިވެރިވާން ބޭނުންވާ ފަރާތްތަކުން ޝަހީދު ހުސެއިން އާދަމް މައިޒާނަށް އެއްވުމަށް ވަނީ އަންގާފަ އެވެ.
ފަރިވަޅުލުން ފެށުމަށް ހަމަޖެހިފައިވަނީ ކުޅުދުއްފުށީ ހިއްކި ބިމުގައި އަޅާފައިވާ ހަޓު ސަރަހައްދުންނެވެ.
އެއާޕޯޓްގެ އަމަލީ މަސައްކަތް ރަސްމީކޮށް ފަށާ އެއާޕޯޓްގެ ބިންގާ އެޅުމަށް މާދަމާ ރައީސުލްޖުމްހޫރިއްޔާ އަބްދުﷲ ޔާމިން ކުޅުދުއްފުއްޓަށް ވަޑައިގަތުމަށް ހަމަޖެހިފައިވާއިރު އެކަމަށްޓަކައި ކުޅުދުއްފުށި ދަނީ ބޮޑެތި ތައްޔާރީތަކެއް ވަމުންނެވެ.
މީގެ އިތުރުން “އުދުހޭ” ނަމުގައި ބާއްވާ ޕީޕީއެމްގެ 6 ވަނަ އަހަރީ ޖަލްސާވެސް މާދަމާ ރޭ ކުޅުދުއްފުށީގައި އޮންނާނެ އެވެ.
އައްޑޫގައި ބާއްވާ އުރީދޫ ފަން ރަންގައި ބައިވެރިވުމުގެ ފަހު ދުވަހަކީ މިއަދު!
ކުޅުދުއްފުށީގެ ތާރީހާއި ސަގާފަތް ދައްކުވައިދޭ މޮނިއުމަންޓް ފަރުމާކުރުމަށް ހުޅުވާލައިފި
އަފީފުއްދީން ސްކޫލްގެ ފޭމް ނައިޓް 2025
ބާސްކެޓް ބޯޅަ މުބާރާތުން އަފީފުއްދީން ސްކޫލަށް ބޮޑެތި ކާމިޔާބީތަކެއް
