ނަސްރުންގެ ދުވަހާއި ގުޅުވައިގެން އަފީފުއްދީން ސްކޫލް އާރޓު ކުލަބުގެ ފަރާތުން އެސްކޫލުގެ ދަރިވަރުންނަށް އަމާޒުކޮށްގެން ކުރިއަށްގެންދިޔަ ކުރެހެމުގެ މުބާރާތުގެ ނަތީޖާ ފާޅުކޮށްފި އެވެ.
މިއަދު ހެނދުނު އެސްކޫލު ހޯލުގައި ބޭއްވި މި ޖަލްސާގައި މުބާރާތުގެ ވަނަވަނައަށް އައި ދަރިވަރުންނަށް ސެޓްފިކްޓް އަދި ޓްރޮފީ ހަވާލުކޮށްދެއްވީ ޖަލްސާގެ ޝަރަފުވެރި މެހެމާނު ހދ އަތޮޅު ކައުންސިލްގެ ޒިންމާދާރު އިސް ވެރިޔާ އިބްރާހިމް ރަޝީދެވެ.
ޖަލްސާ ޝަރަފުވެރިކޮށްދެއްވާ އިބްރާހިމް ރަޝީދު ވާހަކަ ދައްކަވަމުން ވިދާޅުވީ ކޮންމެ ކުއްޖަކީވެސް ކޮންމެވެސް ހުނަރެއް ލިބިފައިވާ ކުއްޖެއްކަމަށާއި އެކުދިންނަށް އެ ހުނަރެއް އިތުރު ފުޅާ ކުރުމަށް އެ ދާއިރާއިން ކުރިއަށް ދިއުމަށް ހިތްވަރު ދޭންޖެހޭ ކަމަށާއި އެފަދަ ފުރުސަތުތައް ގޭތެރެއިންނާއި ސްކޫލުންވެސް ދަރިވަރުންނަށް ހުޅުވައިދޭން ޖެހޭކަމަށެވެ.
ޖުމަލް 147 ދަރިވަރުން ބައިވެރިވި މި މުބާރާތުގައި ގްރޭޑް 1 ން ފެށިގެން 9 ގެ ދަރިވަރުން ބައިވެރިވެފައިވާއިރު ހުރިހާ ގްރޭޑަކުންވެސް ވަނީ އެއްވަނަ ދެނަވަ އަދި ތިން ވަނަ ހޮވާފަ އެވެ.
އަންނަ އަހަރުގެ ނަސްރުގެ ދުވަހާއި ގުޅުވައިގެންވެސް މި މުބާރާތް ކުރިއަށް ގެންދިއުމަށް އެސްކޫލުން ވަނީ ހަމަޖައްސާފައެވެ.