ޕިކަޕެއް ކޮންޓްރޯލް ނުކުރެވިގޮސް ހޮޅިދަނޑިއެއްގައި ޖެހިއްޖެ

ކުޅުދުއްފުށީގައި އަމީނީމަގުން ދުއްވާފައި ދިޔަ ޕިކަޕެއް ކޮންޓްރޯލް ނުކުރެވިގޮސް ހޮޅިދަނޑިއެއްގައި ޖެހިއްޖެއެވެ.

މި އެކްސިޑެންޓް ހިނގާފައިވަނީ މިއަދު ހެނދުނު 7:00 ހާއިރު އަމީނީމަގުން ދެކުނަށް ދުއްވާފައިދިޔަ ޕިކަޕެއް އަމީނީމަގު ޖާވައްތަގެ ކުރިމަތީގައި ހުރި ހޮޅިދަނޑިއެއްގައި ޖެހި އެވެ.

އެވަގުތު ޕިކަޕު ދުއްވަން އިނީ 58 އަހަރުގެ ފިިރިހެނެކެވެ.

މި އެކްސިޑެންޓުގައި އެއްވެސް މީހަކަށް އަނިޔާވެފައެއް ނުވެއެވެ. ނަމަވެސް ޕިކަޕަށް ކޮންމެވެސް ވަރަށްކަށް ގެއްލުންވެފައިވާއިރު ހޮޅި ދަނޑިވެސްވަނީ ބިމުން ލުހިގެން ވެއްޓި ގެއްލުން ލިބިފައެވެ.