ރަޝިޔާގެ އަންހެނެއްގެ ބަނޑުން ދަގަނޑުގެ ބާވަތްތަކެއް ނަގައިފި

ރަޝިޔާގެ 74 އަހަރުގެ އަންހެނެއްގެ ބަނޑުން މޮހޮރާއި އިސްކުރުފަދަ ދަގަނޑުގެ ބާވަތްތަކެއް ނަގައިފި އެވެ.

ރަޝިޔާގެ ނޫހެއްގައި ރިޕޯޓުކޮއްފައިވާ ގޮތުގައި މި އަންހެން މީހާގެ ބަނޑުން ރަޝިޔާގެ ޑޮކްޓަރުންވަނީ މޮހޮރާއި އިސްކުރުފަދަ ދަގަނޑުގެ 152 އެތިކޮޅު ނަގާފައެވެ.

އުލާން-އުޑޭގެ ސެމަޝްކޮ ރިޕަބްލިކަން ހޮސްޕިޓަލް އިން ހޯމަ ދުވަހު ބުނި ގޮތުގައި، އެ އަންހެންމީހާ އާދަޔާހިލާފަށް ހުންއައުމާ ގުޅިގެން ހޮސްޕިޓަލްގެ ޑޮކްޓަރުން ވާނި އެންޑޮސްކޮޕީއެއް ހެދުމަށް ލަފާދެއްވާފައެވެ. އަދި އޮޕަރޭޝަންގެ ތެރެއިން 4 މޮހޮރު އޭނާގެ ބަނޑުތެރެއިން ނަގާފައިވާއިރު، އިތުރު ދަގަނޑުގެ ބާވަތްތައްވެސް ބަނޑުގައި ހުރި ކަމަށް ދެއްކުމުން އިތުރު ސާޖަރީއެއް ކުރުމަށް ވަގުތުން އޭނާ ބަދަލުކުރެވުނެވެ.

އޮޕަރޭޝަން ޑޮކްޓަރ ބުލާޓް ޝޮބޮލޮވް ބުނި ގޮތުގައި އެ އަންހެންމީހާގެ ބަނޑުން، މޮހޮރާއި، އިސްކުރާއި، ދޮރުގެ ތަންޑު ފަދަ ބާވަތްތައް ފެނިފައިވެއެވެ. އެގޮތުން 152 އެތިކޮޅު ނެގި ކަމުގައި އެ ރިޕޯޓުގައި ވެއެވެ.