ޖަލާލުއްދީން ސްކޫލުގައި ހުރި އޭލެވެލްގެ އާ ފުރުސަތުތަކާ ބެހޭގޮތުން މައުލޫމާތު ދެނީ

ޖަލާލުއްދީން ސްކޫލުގެ މަތީ ސަނާވީގައި ހުރި އާ ފުރުސަތުތަކާ ބެހޭގޮތުން މައުލޫމާތު ދިނުމަށް މާދަމާ ބައްދަލުވުމެއް ބާއްވާގޮތަށް ހަމަޖައްސައިފި އެެވެ.

މަތީ ސާނަވީއަށް ހާއްސަ ސްކޫލަކަށް ބަދަލުކުރުމުން އެ ސްކޫލުގައި މިއަހަރު ތައުލީމާއި ތަމްރީންގެ އާ ފުރުސަތުތަކެއް ވަނީ ހުޅުވާލާފަ އެވެ. އެގޮތުން އޭލެވަލް ބީޓެކާއި އިތުރު ޕްރޮގުރާމުތަކެއް ފެށުމަށް ދަނީ ތައްޔާރު ވަމުންނެވެ.

ޖަލާލުއްދީން ސްކޫލުން އިއްޔެ ކޮށްފައިވާ އިއުލާނެއްގައި ވާގޮތުން، ސްކޫލުގައި ހުރި އޭލެވެލް އާ ފުރުސަތުތަކާ ބެހޭ ގޮތުން މައުލޫމާތު ދިނުމަށް ބާއްވާ ބައްދަލުވުން އޮންނަނީ މިމަހު 23 ވާ އަންގާރަ ދުވަހުގެ ހެނދުނު 10:00 ގައި ޖަލާލުއްދީން ސްކޫލް ހޯލްގައި އެވެ.

ޖަލާލުއްދީން ސްކޫލް: ކޮލެޖަކަށްވުމުގެ މަލަމަތި، އޭލެވަލްގެ އާ ޕްރޮގުރާމްތަކެއް ފަށަނީ

ޖަލާލުއްދީން ސްކޫލުގައި އޭލެވެލް ކިޔެވުމަށް ޝައުގުވެރިވާ ހުރިހާ ދަރިވަރުންނަށާއި ބެލެނިވެރިންނަށް މިބައްދަލުވުމުގައި ބައިވެރިވުމަކީ ސްކޫލުގެ ވަރަށް ބޮޑު އެދުމެކެވެ.