ނޮޅިވަރަމްފަރު ކައުންސިލުން ރައްޔިތުންނަނާ ބައްދަލުކުރަނީ

ނޮޅިވަރަމްފަރު ކައުންސިލުން މިމަހު 23 ގައި ރައްޔިތުންނާއި ބައްދަލުކުރުމަށް ނިންމައިފި އެެެވެ.

ނޮޅިވަރަމްފަރު ކައުންސިލުން ރައްޔިތުންނާއި ބައްދަލުކުރުމަށް ހަމަޖެހިފައިވަނީ 23 ފެބްރުއަރީ ވާ ހުކުރު ދުވަހުގެ ރޭ 21:00 ގައި އެރަށު ސްކޫލުގަ އެވެ. މި ބައްދަކުވުމުގައި ކައުންސިލްގެ 2017 ވަނަ އަހަރުގެ އަހަރީ ރިފޯޓޤ ހިއްސާކުރުމާއި، 2018 ވަނަ އަހަރަށް ރޭވިފައި ހުރި ކަންކަން ހިއްސާކުރުން އޮންނާނެ އެވެ.

އަދި ކައުންސިލްގެ ވެބްސައިޓް ރަސްމީކޮށް އިފްތިތާހުކޮށް ރައްޔިތުންގެ ސުވާލަށް ޖަވާބު ދިނުންވެސް އޮންނާނެ އެވެ.

ގާނޫނު ނަންބަރު 2010/7 ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު ނަންބަރު 10 ވަނަ މާއްދާގެ ދަށުން ކޮންމެ އަހަރެއްގެ ފެބްރުއަރީ މަހު ކައުންސިލްތަކުން ރައްޔިތުންނާ ބައްދަލުކުރުން ވަނީ ލާޒިމްކޮށްފަ އެވެ.