މޯލްޑިވްސް ބްރޯޑްކާސްޓިންގ ކޮމިޝަނަށް ހަތް ބޭފުޅެއްގެ ނަން މަޖިލީހުން ފާސްކޮށްފި

Mar 23, 2011

މޯލްޑިވްސް ބްރޯޑްކާސްޓިން ކޮމިޝަންގައި ހިމެނުމަށް ރައީސުލްޖުމްހޫރިއްޔާ މަޖިލީހަށް ހުށަހެޅުއްވި ނަންތަކުގެ ތެރެއިން ހަތް ބޭފުޅެއްގެ ނަން ރައްޔިތުންގެ މަޖިލީހުން މިއަދު ފާސްކޮށްފި އެވެ.

ބްރޯޑްކާސްޓް ކުރުމުގެ ގާނޫނުގައި ބުނާ ގޮތުގެ މަތިން ރައީސުލްޖުމުހޫރިއްޔާ އެ ކޮމިޝަނަށް އައްޔަން ކުރުމަށް މަޖިލީހަށް ހުށަހެޅުއްވި ނަންތަކުގެ ތެރެއިން އެ ކޮމިޝަނަށް އައްޔަންކުރުމަށް މަޖިލީހުން މިއަދު ފާސްކުރި ބޭފުޅުންނަކީ ހަވީރު ނޫހުގެ އެސޯސިއޭޓް އެޑިޓަރުކަން ކުރައްވާފައިވާ އަދި ފަހުން ސަން އެފްއެމްގެ ސީއޯއޯ މުހައްމަދު ޝަހީބާއި މއ. ވިލުވެލި ބަދުރުއްނަސީރު، ހ. ރަންކޮކާ ޢާއިޝަތު ހަނާ އާއި މއ. ލައިޓްކޯނަރ 2 މަރިޔަމް ޝައުޤީ، ވ. މަށިވެލި އިބްރާހިމް އަޝްރަފް، ގ. ހާފްސީ މުޢުމިނާ އާދަމް އަދި މ. ނޫވިލު ޢަބްދުﷲ ޝުޖާޢުއެވެ.

މޯލްޑިވްސް ބްރޯޑް ކާސްޓިން ކޮމިޝަނަކީ ދިވެހިރާއްޖޭގައި ބްރޯޑްކާސްޓްކުރުމުގެ ސިޔާސަތުތައް ތަންފީޒުކޮށް، އެސިޔާސަތުތައް ދިފާޢުކޮށް ރައްކާތެރިކުރުމާއި، ބްރޯޑްކާސްޓްކުރާ ފަރާތްތަކުން އެސިޔާސަތުތަކަށް ޢަމަލުކުރޭތޯ ބަލައި އެސިޔާސަތުތަކާއި ޚިލާފުވާ ފަރާތްތަކާމެދު ފިޔަވަޅު އަޅައި، ބްރޯޑްކާސްޓްކުރުމުގެ ސިޔާސަތާގުޅޭ އެންމެހާ ކަންކަން ކުރުމަށް ބްރޯޑްކާސްޓްކުރުމުގެ ޤާނޫނުން އުފައްދާފައިވާ ކޮމިޝަނަށެވެ.

މިލިޔުމާއި ގުޅޭ