ވިއްސާރަވެ، މޫސުމް ގޯސްވުމުގެ ސަބަބުން ގެއްލުންވި ހިލަތޮށި މަރާމާތުކުރުމުގެ މަސައްކަތް މޫސުމް ރަނގަޅުވުމުން ފަށާނެކަމަށް އެމަސައްކަތް ކުރާ އެމްޓީސީސީ ހާމަކޮށްފި އެވެ.
މިދިޔަ ހުކުރުދުވަހުގެ ރޭ ކުރި ވިއްސާރާގައި ގެއްލުންވެފައިވަނީ ކުޅުދުއްފުށީ އެއާޕޯޓަށް ޖަހާފައިވާ ހިލަތޮށިން، ހުޅަނގު ކޮޅުގެ ބަޔަކަށެވެ. އެސަރަހައްދުގައި ޖަހާފައިވާ ހިލަތައް ރޫޅި، ގެއްލުންވެފައިވާއިރު އެތަނުގައި ޖަހާފައިވަނީ އީއައޭ ރިޕޯޓްގައި ޖަހަން އިރުޝާދުދީފައިވާ ހިލައިގެ ސައިޒަށްވުރެ ކުދި ހިލަތަކެއްކަމަށް ބުނެ ޝޯސަލް މީޑިއާގައި ބައެއް ފަރާތްތަކުން ދަނީ ކަންބޮޑުވުންފާޅުކުރަމުންނެވެ.
Rajje ge uthurahh kuramundhaa vissaaraiga Kulhudhuffushi Airport alhaa sarahaddhugai jahaafaihuri hila thottahh bodethi gellunthakehh vanee libifa. Moosun rangalhuvumun hilathoshi maraamaathu kurumuge masakkai #TeamMTCC in fashaane. pic.twitter.com/D3qweWLTdf
— MTCCProjects (@projectsmtcc) May 26, 2018
އެފަރާތަކުން ބުނަމުންދަނީ އީއައިއޭ ރިޕޯޓްގައި ޖަހަން އަންގާފައިވަނީ 1500-2000 ކިލޯގެ ހިލަ ކަމަށެވެ. އަދި އެހެންވުމުން އީއައިއޭ ރިޕޯޓްގެ ސައްހަކަމާމެދުވެސް އެފަރާތްތަކުންދަނީ ސުވާލުއުފައްދަމުންނެވެ.
ކުޅުދުއްފުށީ އެއާޕޯޓަށް ބޭނުންވާ ބޮޑު ސަރަހައްދެއް މޫދާއި ކުޅި ހިމެނޭގޮތަށް ހިއްކާފައިވާއިރު އެސަރަހައްދުގެ ގޮނޑުދޮށް ހިމާޔާތްކުރުމަށް ވަނީ ހިލަތޮއްޓެއް ލައިފަ އެވެ.
