އެންމެ ފަހުގެ 8 ލެޕްޓޮޕް ގަންނަން އަތޮޅު ކައުންސިލްއިން އިއުލާނުކޮށް އެސްޓިމޭޓް ނަގައިފި

Mar 23, 2011

އިންޓެލް ކުންފުނިން އެންމެ ފަހުން ތައާރަފްކޮށްފައިވާ އައި ސީރީޒްގެ ޕްރޮސެސަރ ހިމެނޭ 8 ލެޕްޓޮޕް ގަންނަން ތިލަދުންމަތީ ދެކުނުބުރީ އަތޮޅު ކައުންސިލް އިން އިއުލާނުކޮށް އެސްޓިމޭޓް ނަގައިފިއެވެ.

ދިވެހި ސަރުކާރުގެ ގެޒެޓްގައި ޝާއިއު ކޮށްފައިވާ އިއުލާނުގައި ބުނެފައިވާ ގޮތުގައި އަތޮޅު ކައުންސިލްއަށް ލެޕްޓޮޕް ވިއްކަން ބޭނުންވާ ފަރާތްތަކުން މައުލޫމާތު ހޯދާނީ އެކައުންސިލް އިދާރަށް ފޯނުން ގުޅައިގެންނެވެ. އަދި އެސްޓިމޭޓް ހުށަހެޅުމުގެ ސުންގަޑިއަކީ މިމަހުގެ 20 ވަނަ ދުވަހުގެ ތިނެއް ޖަހާއިރުކަމަށް އެއިއުލާނުގައި ވެއެވެ. އަދި މިކަމަށް ދިހަވަރަކަށް ފަރާތުން ކުރިމަތި ލާފައިވާކަމަށް ކުޅުދުއްފުށީ އޮންލައިނަށް ވަނީ މައުލޫމާތު ލިބިފައެވެ.

އައި3 ޕްރޮސެސަރ އާއެކު 500 ޖީބީ ހާޑު ހިމެނޭ ލެޕްޓޮޕް ހޯދުމަށް އަތޮޅު ކައުންސިލްއިން އިއުލާނުކޮށްފައި ވާއިރު، ކުޅުދުއްފުށީ ބާޒާރުގައި މިވަރުގެ ލެޕްޓޮޕް ވިއްކަނީ 9000 ރުފިޔާއާއި 11000 ރުފިޔާއާއި ދެމެދުގެ އަގުތަކަށެވެ.

މިލިޔުމާއި ގުޅޭ