ހދ. ކުރިނބީގައި ހިނަވާގެ އިމާރާތް ކުރުމަށް ބަޔަކާ ހަވާލުކޮށް، އެއްބަސްވުމުގައި ސޮއިކޮށްފި އެވެ.
މިކަމަށްޓަކާ ކުރިނބީ ކައުންސިލް އިދާރާގައި މިދިޔަ އާދިއްތަ ދުވަހު ބޭއްވި ރަސްމިއްޔާތެއްގައި ކައުންސިލްގެ ފަރާތުން އެއްބަސްވުމުގައި ސޮއިކުރެއްވީ ކައުންސިލްގެ ރައީސް މުހައްމަދު އަފްރާހު އެވެ. އަދި ހާވިލާ ކާޕެންޓްރީ އެންޓް ކޮންސްޓްރަކްޝަންގެ ފަރާތުން ސޮއިކުރެއްވީ މުހައްމަދު ސަލީމް އެވެ.
596،100ރ ރުފިޔާ ހަރަދުކޮށްގެން އިމާރާތްކުރާ މި ހިނަވާގޭގެ މަސައްކަތް ހަވާލުކޮށްފައިވަނީ 45 ދުވަހުގެ ތެރޭގައި ނިންމުމަށެވެ. ކުރިނބީގައި މީހުން ހިނަވަމުން އަންނަނީ މީހެއްގެ އަމިއްލަ ގޭގަ އެވެ.
ކުރިނބީގައި ހިނަވާގެއެއް ހެދުމަށް އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން–
ޒަމާނީ ފެންވަރަށް އިމާރާތްކުރާ މި ހިނަވާގެ އެޅުމުން ހިނެވުމުގެ ކަންކަމަށް ފަސޭހަތަކެއް ލިބިގެންދާނެކަމަށް ކުރިނބީ ކައުންސިލުން ދެކެ އެވެ. މި ހިނަވާގެ އިމާރާތްކުރަނީ އެރަށު ހުކުރު މިސްކިތް ތެރޭގަ އެވެ.