އިބްރާހިމް ހަމީދު
ފުލުހުންގެ 78 ވަނަ އަހަރީ ދުވަސް ކުޅުދުއްފުށީ ޕޮލިސް ސްޓޭޝަނުގައި ފާހަގަކޮށްފިއެވެ.
ދިވެހި ފުލުހުންގެ ހިދުމަތަށް 78 އަހަރު ފުރުމާގުޅިގެން ކުޅުދުއްފުށީގައި ކުރިއަށްދާ ހަރަކާތްތަށް ފެށިގެން ދިޔައީ އިއްޔެ ހެނދުނު ކުޅުދުއްފުށީ ޕޮލިސް ސްޓޭޝަނުގައި އޮތް ދިދަނެގުމުގެ ރަސްމިއްޔާތަކުންނެވެ.
މަތިއުތުރު ގައުމީ އިދާރާގެ ސްޓޭޓް ސެކްރެޓަރީ އަބްދުއްލަތީފް ޤާސިމް ޝަރަފުވެރި ކޮށްދެއްވި ދިދަ ނެގުމުގެ ރަސްމިއްޔާތުގައި ކުޅުދުއްފުށީގައި ހުރި ސަރުކާރު މުއައްސަސާތަކުގެ އިސްވެރިން ބައިވެރި ވިއެވެ.
ދިވެހި ފުލުހުންގެ އަހަރީ ދުވަހާ ގުޅުވައިގެން ކުޅުދުއްފުށީ ޕްރީސްކޫލެއް ކަމަށްވާ އަމީރު އަމީން ސްކޫލްގެ ޔޫކޭޖީ އާއި އެލްކޭޖީ ދަރިވަރުންނާއި އެކު ފުލުހުންގެ އަހަރީ ދުވަހަށް ތައްޔާރުކޮށްފައިވާ ކޭކެއް ފެޅުން އޮތެވެ.
ފުލުހުންގެ އަހަރީ ދުވަހުގެ މުނާސަބަތުގައި ކުރިއަށްދާ ހަރަކާތްތަކުގެ ތެރޭގައި ހިމެނިގެން އަންނަ ހުކުރު ދުވަހު ހަވީރު އަމީރުއަމީން ސްކޫލުގެ ދަރިވަރުންނައި ބެލެނިވެރިންނާއި އެކު ހިނގާލުމެއް ކުރިއަށްދާނެ ކަމަށާއި އަދި ހުކުރު ދުވަހުގެ ރޭ ޑިނާރ ނައިޓެއް ބާއްވާގޮތަށް ހަމަޖެހިފައިވާ ކަމަށް ކުޅުދުއްފުށީ ޕޮލިސް ސްޓޭޝަނުން މައުލޫމާތު ދެއެވެ.
ދިވެހި ފުލުހުންގެ ހިދުމަތް ފުރަތަމަ ތައާރަފްކޮށްފައި ވަނީ 29 މާޗް 1933 ގަ އެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
