ފެނުގެ ހިލޭ ގުޅުމަށް އެދުމުގެ އެންމެ ފަހު ފުރުޞަތު ފެން ކުންފުނިން ހުޅުވާލައިފި

Mar 30, 2011

ކުޅުދުއްފުށީގައި ފެނުގެ ހިލޭ ގުޅުމުގެ ހިދުމަތަށް އަދިވެސް ބައެއް ރައްޔިތުން އެދެމުންދާކަމަށް ބުނެ ފަހު ފުރުޞަތެއްގެ ގޮތުން އަނެއްކާވެސް އެމްޑަބްލިޔުއެސްސީން މުއްދަތު އިތުރު ކޮށްދީފިއެވެ.

ކުޅުދުއްފުށީގައި ފެނުގެ ހިދުމަތް ދެމުންގެންދާ އެމްޑަބްލިޔުއެސްސީ އިން ނެރެފައިވާ އިއުލާނެއްގައި ބުނެފައިވަނީ ކުޅުދުއްފުށީގެ ބައެއް ރައްޔިތުން އަދިވެސް ހިދުމަތަށް އެދެމުންދާތީ ފަހު ފުރުޞަތެއްގެ ގޮތުން ހިލޭ ފެނުގެ ގުޅުމަށް އެޕްލިކޭޝަން ފޯމު ހުށަހެޅުއްވުމުގެ މުއްދަތު އިތުރު ކޮށްފައިވާ ކަމަށެވެ.

އެމްޑަބްލިޔުއެސްސީ އިން ފެނުގެ ހިލޭ ގުޅުމަށް އެދުމުގެ މުއްދަތު މީގެ ކުރިން ދެފަހަރެއްގެ މަތިން އިތުރު ކޮށްދީފައިވެއެވެ. އަދި މިފަހަރު ފަހު ފުރުޞަތެއްގެ ގޮތުން އޭޕްރީލް މަހުގެ 02 ވަނަ ދުވަހުން ފެށިގެން އޭޕްރީލް މަހުގެ 07 ވަނަ ދުވަހުގެ ނިޔަލަށް ކުޅުދުއްފުށީގައި ހުންނަ އެ ކުންފުނީގެ އޮފީހަށް ފޯމް ހުށަހެޅުމަށް އެކުންފުނިން ނެރެފައިވާ އިއުލާނުގައި ބުނެފައިވެއެވެ.

މިލިޔުމާއި ގުޅޭ