އެއް ރަށުން އަނެއް ރަށަށް ދަތުރުކުރަމުންމިދަނީ ހިނިތުންވުމާއެކު ކަމަށާއި ބަޑި ހިފައިގެން ހުރި އެކަކުވެސް ނެތް ކަމަށް އަލީ ހުސެއިން ވިދާޅުވެއްޖެ އެވެ.
އިދިކޮޅު ކެންޑިޑޭޓް އިބުރާހިމް މުހައްމަދު ސޯލިޙް ހދ އަތޮޅުގެ ރަށްތަކަށް މިއަދު ފެއްޓެއްވި ދަތުރުފުޅުގައި ބ. ކެންދޫ ދާއިރާގެ މެމްބަރު އަލީ ހުސެއިން ވެސް އަންނަނީ ބައިވެރިވަމުންނެވެ.
މިދަތުރުފުޅުގެ ތެރެއިން އަލީ ހުސެއިން ކުރެއްވި ޓްވީޓެއްގައި ލިޔުއްވާފައިވަނީ ލޯންޗުގައި އެއް ރަށުން އަނެއް ރަށަށް ދަތުރުކުރަމުންމިދަނީ ހިނިތުންވުމާއެކު ކަމަށާއި ބަޑި ހިފައިގެން ހުރި އެކަކުވެސް ނެތް ކަމަށެވެ.
Laanchu mihaaru dhathuru kuramun midhanee Neillaidhoo ah. Eh rashun aneh rashah dhathuru mikuranee hinithun vumaaeku. Badi hifaigen huri ekakuves nei.
— Ali Hussain (@AleeVoice) August 12, 2018
ބަޑި ހިފައިގެން ހުރި އެކަކުވެސް ނެތްކަމަށް އަލީ ހުސެއިން ފާހަގަ ކުރައްވަނީ ރައީސް ޔާމީންނަށް ފާޑުވިދާޅުވުމުގެ ގޮތުން ކަމަށް ބެލެވެ އެވެ. ފަހަކަށް އައިސް ރައީސް ޔާމީން އާބާދީ ކުދި ރަށްރަށަށް ވަޑައިގަންނަވާއިރު އެމަނިކުފާނުގެ ސެކިއުރިޓީންގެ ގޮތުގައި ހަތިޔާރު އެޅި ސިފައިން ހަރަކާތްތެރިވެ އެވެ.
އަލީ ހުސެއިން ކުރެއްވި އެހެން ޓްވީޓެއްގައި ލިޔުއްވާފައިވަނީ ނޮޅިވަރަންފަރުގެ ގެދޮރުގެ ދަތިކަން ތަހައްމަލުކުރަމުންދާ 52 އާއިލާގެ މަތިން ހަނދާނެއް ނުނެތޭނެ ކަމަށެވެ. ހިރިމަރަދޫއަށް ވަޑައިގެން އަލީ ހުސެއިން ކުރެއްވި ޓްވީޓެއްގައި ވިދާޅުވެފައިވަނީ އެރަށުގެ ރައްޔިތުން ބޭނުންވަނީ އިންސާފުކަމަށެވެ.