ޝަހީމް ކުޅުދުއްފުށީ އެއާޕޯޓް ސައިޓް ބައްލަވާލައްވައިފި

ރައީސުލް ޖުމްހޫރިއްޔާ އަބުދުﷲ ޔާމީން އަބުދުލް ގައްޔޫމްގެ އިންތިހާބީ ބައިވެރިޔާ ޑރ މުުހައްމަދު ޝަހީމް އަލީ ސައީދު ކުޅުދުއްފުށީ އެއާޕޯޓް ސައިޓް ބައްލަވާލައްވައިފި އެވެ.

މިއަދު ހަވީރު ޝަހީމް އެއާޕޯޓް ސައިޓަށް ވަޑައިގަތީ ގިނަ އަދަދެއްގެ ރައްޔިތުންނާއެކު އެވެ. އަދި އެމަނިކުފާނަށް މަރުހަބާ ދެންނެވުމަށް އެސަރަހައްދަށްވެސް މީހުން ޖަމާވެފައިވެ އެވެ.

ޝަހީމް ވަނީ އެއާޕޯޓް ސަރަހައްދަށް ވަޑައިގެން މަސައްކަތްތައް ކުރިއަށްދާގޮތް ބައްލަވާލަވައިފަ އެވެ.

ޝަހީމް މިއަދު ކުޅުދުއްފުށީ އެއާޕޯޓަށް ކުރެއްވި ޒިޔާރަތުގެ ތެރެއިން–

ރައީސް ޔާމީނަށް ތާއިދު ހޯދުމުގެ ގޮތުން ހދ އަތޮޅަށް ކުރައްވަމުން ގެންދަވާ މިދަތުރުފުޅުގެ ތެރޭގައި ޝަހީމް މިއަދު ވަޑައިގަތީ ކުމުންދޫ، ނޭކުރަންދޫ އަދި ވައިކަރަދޫއަށެވެ.