ކުޅުދުއްފުށީ ގެއަކުން ވައްކަން ކުރަންވަދެ ހުރި މީހަކު އަތުލައިގެންފި

ކުޅުދުއްފުށީ ބެނިސަން ކިޔާ ގެއަށް ރޭ ދަންވަރު ވައްކަންކުރަން ވަދެ ހުރި މީހަކު އަތުލައިގެންފިއެވެ.

ކުޅުދުއްފުށީ އޮންލައިން އަށް މައުލޫމާތު ލިބިފައިވާ ގޮތުގައި އެގެއިން އަތުލައިގެންފައިވަނީ ކުޅުދުއްފުށީ ޖަވާހިރުމާގެ އާދަމް މުހައްމަދެވެ. ބެނިސަންގެއަށް ވައްކަންކުރަން އާދަމް މުހައްމަދު ވަދެހުއްޓާ ފެނުނީ އެގޭގެ މީހަކަށް ކަމަށް މައުލޫމާތު ލިބެއެވެ.

ބެނިސަންގެއިން މައުލޫމާތު ދޭ ގޮތުގައި ރޭ ދަންވަރު ގާތްގަނޑަކަށް އެކެއްޖަހާއިރު، ބެނިސަންގެ އަހްމަދު އަބްދުއްރަހީމް ގެއަށް އައި ވަގުތު ވައްކަން ކުރަންވަދެ ހުރިކަމަށްބުނާ އާދަމް މުހައްމަދު ހުރީ އެގޭގެ ކޮޓަރިއެއްގެ ތެރޭގައެވެ. އެއާއިލާގެ ފަރާތުން މައުލޫމާތު ދޭގޮތުގައި އެގެއިން ވަގަށްނަގާފައިވަނީ 3 މޯބައިލް ފޯނާއި 12 ހާސް ރުފިޔާގެ ކެމެރާއަކާއި 2500 ރުފިޔާގެ އިތުރުން 03 ވޮލެޓްވެސް ނަގާފައިވާ ކަމަށް މައުލޫމާތު ލިބެއެވެ. އަދި މިހާރު މިތަކެތި ގޭގެ ވެރިފަރާތަށް ލިބިފައިވާކަމަށް އެގެއިން މައުލޫމާތު ދެއެވެ.

އާދަމް މުހައްމަދު ހިފެހެއްޓުމަށްފަހު މިހާރުވަނީ ފުލުހުންނާ ހަވާލުކޮށްފައެވެ.