ވިޔަފާރި ބަނދަރުން މުދާ ނެރޭ ވަގުތުތަކަށް ބަދަލު ގެންނަށް ނިންމައިފި

މާލެ ވިޔަފާރި ބަނދަރުން މުދާ ނެރޭ ވަގުތުތައް އިތުރުކުރުމަށް ޓްރާންސްޕޯޓް މިނިސްޓްރީން ނިންމައިފި އެވެ.

ޓްރާންސްޕޯޓް މިނިސްޓްރީން ބޭއްވި ޕްރެސް ކޮންފަރެންސްގައި އެމިނިސްޓްރީގެ ޑެޕިއުޓީ ޑިރެކްޓަރ ޖެނަރަލް މުހައްމަދު ރާފިއު ވިދާޅުވީ މިއަދުން ފެށިގެން 13 ޖެނުއަރީއާ ހަމައަށް ފިޔާ އަލުވި ބިސް ފަދަ އަވަހަށް ހަލާކުވާ ތަކެތި 24 ގަޑިއިރު ނެރެވޭނެ އިންތިޒާމް ހަމަޖައްސާފައިވާކަމަށެވެ.

އަދި ކޮންޓެއިނަރގައި ހުންނަ މުދާ ކޮންމެ ދުވަހަކު ހަވީރު ތިނަކުން ހެނދުނު ހައެއް ޖަހަންދެން ނެރެވޭނެކަމަށްވެސް ރާދިއު ވިދާޅުވިއެވެ.

ރާފިއު ވިދާޅުވީ ވިޔަފާރި ބަނދަރުން މުދާ ނެރޭ ވަގުތަށް ބަދަލު ގެނައީ ސްކޫލް ބަންދު ދުވަސްވަރަކަށްވެފައި ގިނަ އަދަދެއްގެ ވިޔަފާރިވެރިން މިކަމަށް އެދެމުންދާތީކަމަށެވެ. އަދި ކާބޯތަކެތީގެ ބާވަތްތައް ވީހާވެސް ތާޒާކަމާއެކު ފޯރުކޮށްދިނުމަކީވެސް މުދާ ނެރޭ ވަގުތަށް ބަދަލުގެނައި ސަބަބެއްކަމަށް ރާފިއު ވިދާޅުވިއެވެ.

މާލެ ވިޔަފާރި ބަނދަރުން މުދާ ނެރޭ ވަގުތުތަކަށް ބަދަލު ގެނައީ މިދިޔަ މާޗުމަހުގެ ތެރޭގައެވެ.