މަސްޖިދުލް ފިރުދައުސްގެ މަސައްކަތް އަންނަ މެއިމަހަށް ނިންމާލެވޭނެކަމަށް އެ މިސްކިތް އިމާރާތްކުރާ މަޝްހޫރު ވިޔަފާރިވެރިޔާ މުހައްމަދު ޒުހެއިރު ހާމަކުރައްވައިފި އެވެ.
އިމާރާތްކުރާތާ 09 އަހަރުވެފައިވާ މި މިސްކިތް މިއަހަރުގެ މެއިމަހަށް ނިންމާ ކައުންސިލާ ހަވާލުކުރާނެކަން މުހައްމަދު ޒުހެއިރު ހާމަކޮށްފައިވަނީ ކުޅުދުއްފުށީ ކައުންސިލް ފޮނުވި ސިޓީއެއްގަ އެވެ.
ކައުންސިލްގެ ރައީސް ވިދާޅުވީ މިސްކިތް މެއިމަހަށް ނިންމާނެކަން އެންގުމުން، ކައުންސިލުން މިހާރުވާނީ އިސްލާމިކް މިނިސްޓްރީއަށް އެކަން އަންގާފަ ކަމަށެވެ. މިސްކިތުގައި ވީހާވެސް އަވަހަކަށް ނަމާދުކުރެވޭނެ އިންތިޒާމު ހަމަޖައްސައިދޭން މިނިސްޓްރީގައި ދަންނަވާފައިވާނެކަމަށް ލަތީފް ވިދާޅުވި އެވެ.
މި މިސްކިތް ހަދަން މުހައްމަދު ޒުހެއިރަށް ބިން ދޫކޮށްފައިވަނީ 2010 ވަނަ އަހަރުގެ ފެބުރުއަރީމަހުގެ 11 ވަނަ ދުވަހު އެވެ. ދެ އަހަރުގެ ތެރޭގައި އިމާރާތްކޮށް ނިންމުމަށް ހަވާލުކުރިނަމަވެސް މިސްކިތް ނުނިމުމުން އަލުން މުއްދަތު އިތުރުކޮށްދީފައިވެ އެވެ. ނަމަވެސް މުއްދަތު އިތުރުކޮށްދިނީ ކިހާ ދުވަހަކަށް ކަން ވަނީ ޔަގީން ނުކުރެވި އެވެ.
މި މިސްކިތް ނުހެދި ލަސްވުމުގެ ސަބަބުން ގިނަ ބައެއްގެ ފާޑުކިޔުންވެސް މުހައްމަދު ޒުހެއިރަށް ވަނީ އަމާޒުވެފަ އެވެ.
ބައްދަލުވުމުގައި ބައިވެރިވާ ރައްޔިތުންގެ އަދަދު އިތުރުކޮށް ބައިވެރިވާ ރައްޔިތުންގެ އަގު ވަޒަންކުރުމަށް އިނާމުދެނީ
ލަންކާގައި އުޅޭ ދިވެހިންނަށް ފޯރުކޮށްދޭ ހިދުމަތްތަކުގެ ފެންވަރު ކުރިއަށް އޮތްތަނުގައި ރަނގަޅުކުރެވިގެންދާނެ
މޯލްޑިވިއަންގެ ބޯޓުތަކުގައި ތާނަ އަކުރުން 'ދިވެހިރާއްޖެ'
ތަރައްގީ ހާސިލުވާނީ އަމިއްލަ ނަފުސު އިސްލާހުކުރުމުގެ ވިސްނުމާއިގެން ކުރިއަށްދާން ނިންމައިގެން
