ކުޅުދުއްފުށިން 120 ގޯތި ދޫކުރުމުގެ ހުއްދަ ހައުސިންގ މިނިސްޓްރީ ދީފި އެވެ. ހައުސިންގ މިނިސްޓްރީން މިގޮތަށް ހުއްދަށް ދީފައިމިވަނީ ޒުވާނުންގެ ތެރެއިން ބަޔަކު ގެވަޅު ހޯދުމަށް ކައުންސިލްގައި އެދެމުންދާ ދަނޑިވަޅެއްގައި އެވެ.
އެގޮތުން މިމަހު ދެ ފަހަރެއްގެ މަތިން ޒުވާނުތަކެއް ވަނީ ކައުންސިލާ ބައްދަލުކޮށް ގެވަޅު ހޯދައިދިނުމަށް މަސައްކަތްކޮށް ދިނުމަށް ކައުންސިލްގައި އެދިފަ އެވެ. ޒުވާނުންގެ ޝަކުވާތަކަށް އިޖާބަ ދިނުމުގެ ގޮތުން ކައުންސިލުން ވަނީ ގެވަޅު ދޫކުރުމުގެ ހުއްދައަކަށް ހައުންސިންގ މިނިސްޓްރީގައި އެދިފަ އެވެ.
ކުޅުދުއްފުށީ ކައުންސިލްގެ ނައިބު ރައީސް އަލީ ހާޝިމް މިއަދު ކޭއޯއަށް ވިދާޅުވީ ޒުވާނުން އެދުމުގެ މަތިން ގޯތި ދޫކުރުމުގެ ހުއްދައަކަށް ކައުންސިލުން އެދުމުން އެކަމުގެ ހުއްދަ ހައުސިންގ މިނިސްޓްރީން ދީފައިވާ ކަމަށެވެ.
އެގޮތުން 1400 އަކަފޫޓްގެ 120 ގޯތި ދޫކުރުމުގެ ހުއްދަ ކައުންސިލަށް ދީފައިވާކަމަށް އޭނާ ވިދާޅުވި އެވެ. އަލީ ހާޝިމް ވިދާޅުވީ އެ 120 ގޯތި ދޫކުރުމަށް ކުރަން ޖެހޭ ކަންތައްތައް އެ ކައުންސިލުން މިހާރު ކުރަމުންދާ ކަމަށެވެ. އެ ގޯތިތައް ދޫކުރަން ނިންމާފައިވަނީ ކޮން ސަރަހައްދަކުން ކަމެއް ސާފެއް ނުވި އެވެ.
ބިމުގެ ޖާގައި ދަތިކަން އިންތިހާއަށް ކުރިމަތިވެފައިވާ ކުޅުދުއްފުށިން ގެވަޅު ދޫކުރުމަކުން ބޯހިޔާވަހިކަމަކަށް ހައްލެއް ލިބިގެން ނުދާނެ ކަމަށާއި ކައުންސިލްގެ ވިސްނުމަކީ ހުރިހާ ފަރާތްތަކަށް ބޯހިޔާވަހިކަން ލިބޭނެ ފެންވަރު ރަނގަޅު ފުލެޓް އެޅޭނެ ގޮތުން ހޯދުމެވެ.
ކައުންސިލްގެ ދެކޭގޮތުގައި ކުޅުދުއްފުށީގައި ބޯހިޔާވަހިކަމަށް ބޭނުންވާ 1500 އެއްހާ މީހުން އުޅޭނެ އެވެ.
ރައީސް ޔާމީން މިނިވަންކުރަން ހައިކޯޓުން ހުކުމްކޮށްފި
ކުޅުދުއްފުށީ ޕީޕީއެމް ދެކުނު ދާއިރާގެ ރައީސް، އަލީ ވަހީދު އެންޑޯޒްކޮށްފި
މުޖުތަބާއަށް ތާއިދު ހޯދުމަށް ރައީސް ޔާމީންގެ ދަރިކަލުން ކުޅުދުއްފުށީގައި
ހަނިމާދުއާއި ޓްރިވެންޑްރަމާ ދެމެދުގެ ދަތުރުތައް އަލުން ފަށައިފި
