އެމްޑީޕީ ގެ ލީޑަރޝިޕް އިންތިހާބު ކުރުމަށް ބާއްވާ ވޯޓުލުން ކުޅުދުއްފުށީގައި ކުރިއަށްއެބަދޭ

އިބްރާހިމް ހަމީދު

އެމްޑީޕީގެ   ލީޑަރ ޝިޕް އިންތިހާބު ކުރުމަށް ބާއްވާ ވޯޓުލުން ރާއްޖޭގެ އެކިކަންކޮޅުތަކުގައި ފެށިގެން ކުރިއަށް އެބަދެއެވެ.

އެގޮތުން ކުޅުދުއްފުށީގައި މިއަދު ހެނދުނު 9:00 އިން ފެށިގެން އަމީރު އަމީން ސްކޫލުގައި އެމްޑީޕީގެ މެމްބަރުންދަނީ ވޯޓް ލަމުންނެވެ.

އެމްޑީޕީ  އެތެރޭގެ ލީޑަރ ޝިޕް ހޮވުމަށް ބާއްވާ އިންތިހާބުގައި ހުރިހާ މެމްބަރުންނަށް ވޯޓް ލެވެނީ ޕާޓީގެ ރައީސަށާއި ނައިބް ރައީސްގެ މަގާމަށެވެ. އެހެން މަގާމުތަކަށް ވޯޓުލެވެނީ އެކަމަކަށް ޝަރުތު ހަމަވާ މެމްބަރުންނަށް އެކަނިކަމަށް މަޢުލޫމާތު ލިބެއެވެ.

މިއިންތިހާބުގައި ހޮވާ މަގާމުތަކަކީ ރައީސާއި ނައިބުރައީސާއި ޗެއާޕާސަން މާލީ އާއި ޗެއާޕާސަން އިދާރީގެ އިތުރުން ޒުވާނުންގެ ހިތްވަރު ގޮފީގެ ރައީސާއި ނާއިބުރައީސާއި އަންހެނުން ގޮފީގެ ރައީސާއި ނާއިބްރައީސާއި ދާއިރާތަކުގެ ރައީސުންނާއި ޕްރޮވިންސްތަކުގެ ރައީސުންނާއި ޕްރޮވިންސްތަކުގެ ނާއިބް ރައީސުންގެ އިތުރުން އިސްލާމްދީނުގެ މަޝްވަރާ މަޖިލީހުގެ ފަސް މެމްބަރުންނާއި އިސްތިއުނާފް ފަނޑިޔާރުންގެ މަޖިލީހުގެ ނުވަމެމްބަރުންނެވެ.

މިއިންތިހާބަކީ ޕާޓީގެ ކެންޑިޑޭޓުން ވާދަވެރިކޮށް ކެމްޕޭން ކުރެއްވި ފުރަތަމަ އެތެރޭގެ އިންތިހާބުކަމަށާއި މިއަދު ހަވީރު 6:00 އާއި ހަމައަށް ކުޅުދުއްފުށީގައި ވެސް ވޯޓުލުން ކުރިއަށްދާނެ ކަމަށް މައުލޫމަތު ލިބެއެވެ.