ހޫނުގަދަ ވަގުތުވެސް، ރައީސަށް ހޫނު މަރުހަބާއެއް !

Apr 1, 2019

ރައީސުލް ޖުމްހޫރިއްޔާ އިބުރާހިމް މުހައްމަދު ސޯލިޙު މިއަދުގެ އެންމެ ހޫނު ވަގުތު ކުޅުދުއްފުއްޓަށް ވަޑައިގަތުމުންވެސް އެމަނިކުފާނަން ހޫނު މަރުހަބާއެއް ދަންނަވައިފި އެވެ.

ކުރިއަށް މަޖިލިސް އިންތިހާބުގައި ވާދަކުރާ އެމްޑީޕީ ކެންޑިޑޭޓުންނަށް ތާއިދު ހޯދުމުގެ ރައީސް ސޯލިހް ތިލަދުންމައްޗަށް ފައްޓަވާފައިވާ ދަތުރުފުޅުގައި ކުޅުދުއްފުއްޓަށް ވަޑައިގަންނަވާފައިވަނީ މިއަދު މެންދުރު 12:30 ހާއިރު އެވެ.

އެހާ ހޫނުގަދަ ވަގުތުގައިވެސް އެމަނިކުފާނު ކުޅުދުއްފުއްޓަށް ވަޑައިގަތުމުންވެސް ގިނަ ބަޔަކު މަރުހަބާ ދަންނަވަން ބަނދަރު މަތީގައި ތިއްބެވެ. ދުވަސްވީ މީހުންނާއި ކުޑަ ކުދިންގެ އަދި ގިނަ އަދަދެއްގެ ޒުވާނުން ނުކުމެ އެމަނިކުފާނަށް ވަނީ ހޫނު މަރުހަބާއެއް ދަންނަވާފަ އެވެ.

ރައީސްގެ ކެމްޕެއިން މިދަތުރުފުޅުގައި އެމަނިކުފާނު ވަނީ ކުޅުދުއްފުށީ އެއާޕޯޓް ސަރަހައްދު ބައްލަވާލައްވާފަ އެވެ. އަދި ކައުންސިލާއި ރަށުގައި ހުރި ސަރުކާރުގެ ބައެއް މުވައްސަސާތަކުގެ ވެރިންނާ ބައްދަލުކުރި އަދި ކުޅުދުއްފުށީ ހޮސްޕިޓަލަށް ޒިޔާރާތްކޮށް އެތަނުގެ ހާލަތު ވަނީ އެމަނިކުފާނު ބައްލައްވާލައްވާފަ އެވެ.

އިތުރު ލިޔުންތައް

ރައީސް ސޯލިހް

މިލިޔުމާއި ގުޅޭ