ރޯދަމަހު ކެފޭ، ރެސްޓޯރެންޓްތައް ހުޅުވިފައި ހުންނާނެ ގަޑިތައް ކަނޑައަޅައިފި

ކުރިއަށް އޮތް ރަމަޟާންމަހު ކެއީންބުއީމުގެ ހިދުމަތްދޭ ތަންތަން ހުޅުވިފައި ހުންނާނެ ގަޑިތައް އިކޮނޮމިކް މިނިސްޓްރީން ކަނޑައަޅައިފިއެވެ.

އެގޮތުން އެމިންސްޓްރީން ކޮށްފައިވާ އިއުލާނުގައި ބުނެފައިވާ ގޮތުން ރަމަޟާންމަހުގެ ރޭތަކާއި ސައްވާލުމަހުގެ ފުރަތަމަ ހަތްދުވަހުގެ ރޭތަކުގައި ކެއިންބުއިމުގެ ހިދުމަތްދޭ ސައިހޮޓާ ރެސްޓޯރަންޓް އަދި ކެންޓީނުފަދަ ތަންތަނުން ކޮންމެދުވަހެއްގެ އިރުއޮއްސުމުންފެށިގެން މެންދަމު ތިނެއް ޖެހުމާއި ހަމައަށް އެތަންތަން ހުޅުވިފައި ބެހެއްޓޭނެ ކަމަށެވެ.

އިއުލާނުގައި ބުނެފައިވާގޮތުން ރާއްޖޭ މީހުން ދިރިއުޅޭ ހުރިހާ ރަށެއްގައިވެސް ރޯދަމަޙާއި ހަރޯދަތެރޭގައި ކެއީން ބުއީމުގެ ހިދުމަތްދޭ ހުރިހާ ތަނެއްގައިވެސް އަމަލު ކުރަންޖެހޭނީ މިއުސޫލަށެވެ. މިއަހަރު ބަރަކާތްތެރި ރަމަޟާންމަހުގެ ފުރަތަމަ ދުވަހަކީ ކަލަންޑަރުގައިވާ ގޮތުން މިއަންނަ މެއިމަހުގެ ހަވަނަ ދުވަހެވެ.