މި އަހަރުގެ ރޯދަމަހަށް ސައުދީ ސަރުކާރުން ރާއްޖެއަށް 50 ޓަނުގެ ކަދުރު ހަދިޔާކޮށްފި އެވެ.
އެހެން އަހަރުތަކެކޭ އެއްގޮތަށް މި އަހަރުވެސް ރާއްޖެއަށް ސައުދީން ކަދުރު ހަވާލުކޮށްފައިވާއިރު ރާއްޖެއަށް ލިބުނު ކަދުރާއި ހަވާލުވެވަޑައިގަތީ އިސްލާމިކް މިނިސްޓަރު ޑރ. އަހުމަދު ޒާހިރެވެ.
ސައުދީ ރަސްގެފާނު ސަލްމާން ބިން އަބްދުލް އަޒީޒް އަލް ސައުދު ދެއްވާ ހާއްސަ ހަދިޔާއެއްގެ ގޮތުގައި ރާއްޖެ އަށް ލިބުނު ހަވާލު ކޮށްދެއްވީ މާލޭގައި ހުންނަ ސައުދީ އެމްބަސީގައި މިއަދު ހެނދުނު ބޭއްވި ހާއްސަ ރަސްމިއްޔާތެއްގައި އެމްބަސީގެ ޗާޖް ޑި އެފެއާޒް މެތުރިކް އަލް ދޮސާރީ އެވެ.
މި ކަދުރު ރޯދަމަސް ފެށުމުގެ ކުރިން ބެހުމަށް ވަނީ ހަމަޖެހިފަ އެވެ. ނަމަވެސް އެ ކަދުރުން ރާއްޖޭގެ ހުރިހާ ރައްޔިތުންނަށް ބެހޭ ވަރު ނުވާނެ ކަމަށް މިނިސްޓްރީން މައުލޫމާތު ދެއެވެ.
މީގ ކުރިން ސައުދީ ފިޔަވާ އެހެން ބައެއް ގައުމުތަކުންވެސް ކަދުރު ރާއްޖެއަށް ހަދިޔާކޮށްފައިވާއިރު މި ފަހަރު ވެސް އެހެން ފަރާތްތަކުން އިތުރު ކަދުރު ހަދިޔާކުރާނެ ކަމަށް އުއްމީދުކުރައްވާ މިނިސްޓްރީން މައުލޫމާދު ދެއެވެ.
އެގޮތުން ލިބޭ ކަދުރު ވެސް ހަމަ ލިބޭ އިރަށް ބަހާނެ ކަމަށް ވެސް މައުލޫމާތު ދެއެވެ.
ހޮސްޕިޓަލުގެ ތެރެއަށް އިމާރާތް ލުމަކީ ރައްޔިތުން އެދޭ ގޮތަށް ކަންކަން ސަރުކާރުން ތަންފީޒުކުރާނެކަމުގައި އަލިގަދަ ހެއްކެއް
ކުޅުދުއްފުށީގެ ހަނިގޯޅިތައް ހިމެނޭ ސަރަހައްދުތަކަކީ ހިނގާފައި އުޅޭ ސަރަހައްދުތަކަށް ހެދުމުގެ ވިސްނުން އެބަހުރި
ރަށު ފަތުރުވެރިކަމުން ނަފާ ހޯދޭނެ ގޮތްތަކަށް މަގުކޮށުމަށް އަންނަނީ މަސައްކަތްތަކެއް ކުރެވެމުން
ކައުންސިލުން ހުށަހެޅި ގޮތަށް އާ އިމާރާތް ހޮސްޕިޓަލްގެ އިމުގެ ތެރެއަށް ލައިފި
