ގާނޫނުގައި ބުނާ އަދަދަށް ރޯދަ އިނާޔަތް ދިނުމަށް ލޭބަރ ރިލޭޝަންސް އޮތޯރިޓީން ގޮވާލައިފި

ގާނޫނުގައި ބުނާ އަދަދަށް ރޯދަ މަސް ފެށުމުގެ ކުރިން އިނާޔަތް ދިނުމަށް ލޭބަރ ރިލޭޝަންސް އޮތޯރިޓީން ގޮވާލައިފިއެވެ.

ވަޒީފާއާއި ބެހޭ ގާނޫނުގެ 51 ވަނަ މާއްދާގެ ހ ގައި ބުނެފައިވަނީ ވަޒީފާ އަދާކުރާ ކޮންމެ ދިވެހި މުއައްޒަފަކަށް ވެސް ރޯދަ އިނާޔަތުގެ ގޮތުގައި ރޯދަ މަސް ފެށުމުގެ ކުރިން 3000 ރުފިޔާ ދޭން ޖެހޭނެ ކަމަށެވެ.

ބައެއް ފަރާތްތަކުން ރޯދަ އިނާޔަތް ނުދޭކަން ފާހަގަކޮށް އެ އޮތޯރިޓީން ނެރުނު ބަޔާނެއްގައި ބުނެފައިވަނީ ވަޒީފާއާއި ބެހޭ ގާނޫނު ދަށުން ހެދިފައިވާ ގަވައިދުތަކާއި އެއްގޮތަށް އެކަންކަން ހިނގަމުންދޭތޯ އެ އޮތޯރިޓިން އިންސްޕެކްޓު ކޮށްފައިވާ ކަމަށެވެ.

އިންސްޕެކްޓް ކުރި ކުރުމުގައި ބައެއް ފަރާތްތަކުން ރޯދަ އިނާޔަތް ނުދޭކަން ފާހަގަކުރެވިފައިވާ ކަމަށާއި އަދި ރޯދަ އިނާޔަތް ދިން ނަމަވެސް ގާނޫނުގައި ބުނާ އަދަދަށް ނުދޭކަން ފާހަގަ ކުރެވިފައިވާ ކަމަށެވެ.