ށ. ފޭދޫގައި ނުކުޅެދުންތެރިކަން ހުންނަ އަންހެނަކު ނޭވާ ހާސްވާގޮތަށް ބޮލުގައި ގޯންޏެއް އަޅުވައި ހޮޅިދަނޑިއެއްގައި ބަނދެ، އަނިޔާކުރި މައްސަލަ ތަހުގީގްކޮށްދިނުމަށް ފުލުހުންނަށް ހުށަހަޅައިފި އެވެ.
ޖެންޑާ މިނިސްޓަރު ޝިދާތާ ޝަރީފް މިއަދު ހަވީރު ކުރެއްވި ޓްވީޓެއްގައި ލިޔުއްވާފައިވަނީ ފޭދޫގައި އަންހެނަކަށް ރަހުމް ކުޑަ އަނިޔާތަކެއް ދިން މައްސަލަ ތަހުޤީޤު ކޮށްދިނުމަށް އެދި ފުލުހުންނަށް ހުށައަޅާފައިވާ ކަމަށެވެ.
އުމުރުން 50 އަހަރުގެ މި އަންހެން މީހާ ނޭވާ ހާސްވާގޮތަށް ބޮލުގައި ގޯންޏެއް އަޅުވައި ހޮޅިދަނޑިއެއްގައި ބަނދެ، އަނިޔާކުރި މައްސަލަ ފުރަތަމަ ފެންމަތިވީ ސޯޝަލް މީޑިއާގަ އެވެ. ސޯޝަލް މީޑީއާގައި ދައުރުވި އެ ފޮޓޯތަކުން ފެންނަ ގޮތުގައި މަގުމަތީގައި ހުރި ހޮޅި ދަނޑިއެއްގައި ވާގަނޑަކުން އޭނާ ބަނދެފައި ހުރީ ބޮލަށް ގޯންޏެއް މަހާފަ އެވެ.
ށ.ފޭދޫގައި އަންހެނަކަށް ރަހުމުކުޑަ އަނިޔާތަކެއް ދިން މައްސަލަ ތަޙުޤީޤު ކޮށްދިނުމަށް އެދި މިހާރު ވަނީ މޯލްޑިވްސް ޕޮލިސް ސަރވިސްއަށް ހުށަހެޅިފައި. ނުކުޅެދުންތެރިކަން ހުންނަ ފަރާތްތަކަށް އަނިޔާކޮށް، އެ ކަމުގެ އަދަބު ނުލިބޭނެ ކަމަށް ޤަބޫލުކުރާ ވިސްނުން ނިމުމަކަށް ގެންނަން ޖެހޭ.
— Shidhatha Shareef (@shidhatha) May 16, 2019
މިނިސްޓަރު ސިދާތާ ވިދާޅުވެފައިވަނީ މިމައްސަލަ ތަހުޤީޤު ކޮށްދިނުމަށް އެދި މިހާރުވާނީ ފުލުހުންނަށް ހުށަހަޅާފައިވާއިރު ނުކުޅެދުންތެރިކަން ހުންނަ ފަރާތްތަކަށް އަނިޔާކޮށް އެކަމުގެ އަދަބު ނުލިބޭނެކަމަށް ގަބޫލުކުރާ ވިސްނުން ނިމުމަކަށްގެންނަން ޖެހޭ ކަމަށެވެ.
އެ އަންހެން މީހާއާއި އެމީހާ އަންހެން ދަރިޔަކު ދައުލަތުގެ ބެލުމުގެ ދަށުން މިއަދު ކުޅުދުއްފުއްޓަށް ގެނެސް ރީޖަނަލް ހޮސްޕިޓަލްގައި ދަނީ ފަރުވާދެމުންނެވެ.