ކުޅުދުއްފުށީ އަމީނީމަގުން ދުއްވާފައި ދިޔަ ޕިކަޕެއް ކޮންޓްރޯލް ނުކުރެވިގޮސް މަގު މެދުގައި ހުރި ހޮޅިދަނޑިއަކަށް އަރައިފި އެވެ.
މިއަދު ހެނދުނު 09:05 ހާއިރު ހިނގި މި އެކްސިޑެންޓުގައި އެއްވެސް މީހަކަށް އަނިޔާއެއް ވެފައެއް ނުވެއެވެ. ނަމަވެސް ޕިކަޕުގެ ކުރީ ކޮޅަށް ވަނީ ވަރަށް ބޮޑަށް ގެއްލުންވެފައެވެ. އަދި ހޮޅިދަނޑި ވަނީ އެއްކޮށް ވެއްޓިފަ އެވެ.
މި އެކްސިޑެންޓު ހިނގާފައިވަނީ މަޒިޔާ ޓްރޭޑާސް ކުރިމަތީގަ އެވެ. މި ސަރަހައްދުގައި ޕޮލިހުންވެސް ދަނީ ހަރަކާތްތެރިވަމުންނެވެ. އެކްސިޑެންޓްވި ވަގުތަކީ މަގުމަތީ މީހުން މަދު ވަގުތެއްކަން ފާހަގަކޮށްލެވެއެވެ.