ނަވާރަވަނަ ރައްޔިތުން މަޖިލީހުގެ މެމްބަރުން ހުވާ ކުރައްވައިފި

މިދިޔަ މަހު ރައްޔިތުން މަޖިލީހުގެ މެމްބަރުން ހޮވުމަށް ބޭއްވި އާންމު އިންތިހާބުގައި އާމަޖިލީހަށް ހޮވި ވަޑައިގެންނެވި ބޭފުޅުން މިރޭ ހުވާ ކޮށްފި އެވެ.

ކުރިއަށް އޮތް ފަސް އަހަރަށް ނަވާރަވަނަ ރައްޔިތުން މަޖިލީސް ތަމްޟީލް ކުރައްވާ 87 މެމްބަރުންގެ ތެރެއިން 86 މެމްބަރުން މިވަނީ މެމްބަރު ކަމުގެ ހުވާ ކުރެއްވީ މަޖިލީސް ކުރާގޭގައި މިރޭ ބޭއްވި ރަސްމިއްޔާތުގައެވެ. މެމްބަރުން ހުވާލައި ދެއްވީ ދިވެހިރާއްޖޭގެ އުއްތަމަ ފަނޑިޔާރު ޑރ . އަހުމަދު އަބްދުﷲ ދީދީ އެވެ.

މިރޭ ހުވާކުރުމުގެ ރަސްމިއްޔާތުގައި ބައިވެރިވަޑައި ނުގަންނަވަނީ ގުރައިދޫ ދާއިރާއަށް އިންތިހާބުވަޑައިގެންނެވި މެމްބަރު އިބްރާހިމް ރިޒާ އެކަނިކަމަށާއި އެބޭފުޅާ މިވަގުތު އުމްރާއަށް ވަޑައިގެން ކަމަށާއި އެބޭފުޅާ ވަޑައިގަތުމުން ހުވާކުރުމުގެ ހަމަޖައްސާނެކަމަށް މަޖިލީހުންވަނީ އިއުލާން ކުރި އެވެ.

މިދިޔަ މަހު ރައްޔިތުން މަޖިލީހަށް މެމްބަރުން ހޮވުމަށް ބޭއްވި އިންތިހާބުން ސަރުކާރު ކޯލީޟަންގެ މައިޕާޓީ އެމްޑީޕީން މިވަނީ މަޖިލީހުގެ ސްޕަރ މެޖުރިޓީ ނަގާފައިވާކަން ފާހަގަ ކޮށްލެވެ އެވެ. އަދި މިރޭ މަޖިލީހުގެ ޖަލްސާއެއް ބާއްވައި ރައީސަކާއި ނައިބްރައީސްގެ މަގާމަށް އައްޔަން ކުރެވިގެންދާނެކަމަށް މަޖިލީހުންވަނީ އިއުލާން ކުރައްވާފަ އެވެ.